2 King 17:2 - Nobonob Baibel

² Nug Yawenu neekkakppa eheɗ heum, amge nug kobol naunab, Israel dilag king Hosia king ii bak haenppa, ag king daan heppig bia amu, nug ii heum.

2 King 17:2 ပူးပေါင်းရင်းမြစ်များ

1 King 16:25

Amge Omri nug Yawenu neekkakppa eheɗ heum. Nuhig hipunin hak am king oh tatam daappig, ag hipunin heppig, amu eɗattak.

1 King 16:30

Omri bekka Ahap nug Yawenu neekkakppa eheɗ huanak heum. Ahapnu eheɗ hak amu huanaknab, king laala tatam daappig, amu dilag eɗattak heum.

2 King 10:31

Amge Jehu nug Yawe, Israel dilag Kayak, nug nuhig ɗo oh, nug meu ohppa ii dim lamittom. Iitta. Nug Jeroboam hipunin hatta he, Israel danab ah ele ag hipunin amu hadappig amu, nug hipunin amu hekkunu ii uua di-ii-mettom.

2 King 13:11

King Jehoas nug Yawenu neekkakppa eheɗ heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug nuhig kobol amu dim lamittom. Nug hipunin amu hekkunu ii uua, di-ii-mettom.

2 King 13:2

King Jehoahas nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug nuhig kobol amu dim lamittatta, nug Yawenu neekkakppa eheɗ heum. Nug hipunin amu hekkunu ii uua di-ii-mettom.

2 King 15:18

Nug Yawenu neekkakppa eheɗ heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, Menahem nug king dayaya, haen amu oh nug hipunin amu hekkunu ii uua, di-ii-mettom.

2 King 15:24

Pekahia nug Yawenu neekkakppa eheɗ heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, Pekahia nug hipunin amu ii uua, di-ii-mettom.

2 King 15:9

Sekaraia nug Yawenu neekkakppa eheɗ, mamekkud aɗi heppig bia heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, Sekaraia ele nug hipunin amu hekkunu ii uua, di-ii-mettom.

2 King 17:1

Ahas nug Juda dilag king dayaya, nuhig king dayaknu maɗ 12ppa Ela bekka Hosia nug Israel dilag king ba dayom. Nug king ba, nug maɗ eblaih waɗele Samaria appa king dayom.

2 King 17:3

Amu Asiria dilag king Salmaneser nug ban ha, Hosia eɗitta he, Hosia nug Salmaneser waappa dayaya, maɗ oh en takis bia mettom.

2 King 21:2

Nug king daya, nug Yawenu neekkakppa eheɗ heum. Nug wan anen anennu danab ah, Yawe he, Israel ag lamadppig ele, nug amu dilag kobol, Yawe Nug kobol amunu ooppa uuaknab dootte amu, nug kobol amu dim lamittom.

2 King 3:2

Joram nug Yawenu neekkakppa eheɗ heum, amge nug mameg anig ele aa kobol naunab hepiɗ amu, nug anam ii heum. Iitta. Nug kayak hambuppuak Bal dottog mameg anukka heum amu loppaɗom.