2 King 13:6 - Nobonob Baibel

⁶ Amge Israel ag Jeroboam hipunin hatta he, Israel danab ah ag hipunin amu ele hadappig amu, ag hipunin amu hekkulagnu ii uun, di-ii-medappig. Iitta. Ag tuɗidna heppig. Laa amu, ag heeg, kayak hambuppuak Aserah dabmekkulagnu biidod am Samaria appa tuɗitta dayom.

2 King 13:6 ပူးပေါင်းရင်းမြစ်များ

1 King 14:16

Jeroboam nug hipunin hatta he, Israel danab ah ag ele hipunin amu hadappig amunu, Yawe Nug uuatteb, ahilag kekeɗ ag eɗadkkulag,” awa aum.

1 King 15:3

Abaiya nug hipunin oh, nug mameg heum amu, nug ele heum. Nug alag Dawit nug meu ohppa Yawe dim lamittom bia, Yawe, nuhig Kayak, nug Nug anambia ii dim lamittom.

1 King 16:26

Nug Nebat bekka Jeroboam, nug nuhig oiyak oh dim lamitta, amu nug Jeroboam hipunin ha he, Israel danab ah ele ag hipunin amu heppig amu, nug amu ele heum. Nug anam he, Israel ag hipunin amu henana, ag kayak hambuppuak dottolag, ag ehanadkkulagnu elele iitta noolagppa dup nona binalag meppig amu, amuppa ag heeg, Yawe, Israel dilag Kayak, Nug oppoɗi beum.

1 King 16:33

Am laa ele, Ahap nug kayak hambuppuak Aserah dabmekkulagnu biidod qappom. Ahap nug hipunin okkainab amu heum amunu, Yawe, Israel dilag Kayak, Nug oppoɗi beum. Ahapnu hipunin amu okkainab, Israel dilag king laala tatam daappig, amu dilag hipunin am eɗattak.

2 King 10:29

Jehu anam heum, amge nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug hipunin amu hekkunu ii uua, di-ii-mettom. Hipunin amuam makau gaiɗ aɗit golppa hak noolahppa dup noa binag mak. Makau dottog amu laa Betel daye, laa Dan dayom.

2 King 13:11

King Jehoas nug Yawenu neekkakppa eheɗ heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug nuhig kobol amu dim lamittom. Nug hipunin amu hekkunu ii uua, di-ii-mettom.

2 King 13:2

King Jehoahas nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug nuhig kobol amu dim lamittatta, nug Yawenu neekkakppa eheɗ heum. Nug hipunin amu hekkunu ii uua di-ii-mettom.

2 King 17:16

Israel ag Yawe, ahilag Kayak, ag nuhig haknunab nai oh amu uun, ag gol aon, golppa makau gaiɗ aɗit dottolah haatna, noolahppa dup nona binalah meppig. Ag kayak hambuppuak Aserah dabmekkulagnu biidod ele hena, ag amu noobppa dup nona binag meppig. Ag hoɗopai ele noolagppa dup nona binalag menana, kayak hambuppuak Bal ele noobppa dup nona binag meppig.

2 King 18:4

Hesekaia nug aabaabppanu mettid lag nakok loppaɗatta, men gappi aoɗatte neeg, am kayak hambuppuak Aserah dabmekkulagnu biidod ele daappig amu, nug amu oh ele okkulatte neppig. Laa amu, nug mat bras anukka Moses heum, ag amunu, “Nehustan,” atteb amu, nug amu awa, nug pane, naunau neum. Aɗinu? Israel danab ah ag kalu danab ile muttuɗig enanag bette ele manan, mat amu mettaegeg uɗie uɗie, haen amuppa batak ele heppig.

2 King 21:3

Nug mameg Hesekaia aabaabppanu mettid lag nakok loppaɗom amu, Manase nug lag amu eɗua buualattom. Nug kayak hambuppuak Bal binag maknu qaɗab ele hatta, nug kayak hambuppuak Aserah dabmekkulagnu biidod ele heum. Amuppa, Manase nug Israel dilag king Ahap heum, amubia nug ele amu heum. Manase nug anam ha, nug ele aam, kalam, hoɗopai ele noolagppa dup noa binalag meum.

2 King 23:4

Amu dimppa amu, King Josaia nug mana mettak ikki danab Hilkaia, am mana mettak laala nug waappa uɗat hetteb ele, amu Lewi buɗub ag Yawenu mettid lagnu od gumatteb ele, nug ag amelagppa inam hekkulagnu aum. “Ag gona, Yawenu mettid lag ooppa nona, keeke oh kayak hambuppuak Balnu, Aserahnu, am hoɗopai dilag ele amu, ag amu oh agappeg dimittim beig!” awa aum. Aria, ag keeke amu oh king amelagppa aumbia akkan dimittim uɗieg, king nug Jerusalem dimittim, le Kidronnu oolnu noakppa le daug daug uɗem dayomppa, nug appa manatte, keeke amu oh ewa male, nug uhuɗ amu akka, Betel aab okkaippa ukka meum.

Aisaia 26:10

Nau hak danab ah amu, ag genab tutukku hak kobol ii dootteb. Na ahilagnu kobol ena attem hekkut am ii ehanadma. Iitta. Ag eɗun, genab tutukku hak kobol hekkulagnu iinab dabmemana. Ag danab ah genab tutukku hetteb imu oolagppa daatteb, amge ag ahilag hak nau am ii uutteb. Ag tuɗidna henana, ag Yawe, Nug dagom onig ɠagattag ele daatte amu, ag amu dab-ii-metteb. Iitta!

Duteronomi 7:5

Amunu, ag Israel, ag danab ah appa daatteb, ag amu dilagppa inam hekkulag. Ag danab amu dilag kayak hambuppuak dilag qaɗab amu, ag heppeg nauhatteg! Ag men gappi ahilkad aoɗadna heppeg, iitta meig! Amu ag kayak hambuppuak Aserah dabmekkulagnu biidodnu amu, ag amu okkuladppeg naɗ! Ag amu hena, ag ahilag kayak hambuppuak dottolag ele manadppeg eweg!