2 King 13:5 - Nobonob Baibel

⁵ Aakku Yawe Nug danab laa Israel ehanatta, nug Aram eppelagppanu eɗua diikkunu otie, eɗua diiom amunu, Israel ag eɗun, ahilag dayak ena anukka daappig bia appalagppa daappig.

2 King 13:5 ပူးပေါင်းရင်းမြစ်များ

2 King 13:25

Amu Israel dilag king Jehoas nug nuhikkud ban danab ele ag ukkaeg, Hasael bekka Benhadat, Aram dilag king, ag nug ele ban hena, Jehoas nug nuhikkud ban danab ele ag ahan, Benhadat nuhikkud ban danab ele eɗadna, Jehoas mameg Jehoahas nug Israel dilag king dayom haenppa, Aram ag Israel dilag aab aoppig amu, ag eɗun aoppig. Jehoas nug Benhadat haen ewam banppa eɗittom.

2 King 14:25

Amu Jeroboam nug king ii beum haenppa, haen amuppa kekeɗ ag Israel dilag wan laala aoppig. Amge Jeroboam nug gemu ban haaha, wan amu oh eɗua awom; amuam laih yawalti uɗitteppanu Lebo Hamatnu digma ukka, laih yau uɗitteppanu Mauhaknu Le, amuppa batak. Jeroboam nug anam haaha, nug Yawe, Israel dilag Kayak, Nug nuhig maɗi nid Amitai bekka, propet Jona oɗeppa nai aum amu, nug elele mettom. Jona nug am Gatheper aabppan danab laa.

2 King 14:27

Yawe Nug anukka heeb, Israel oh ag iitta mena autna aoppeg, hab waappa amu, danab laa nug ahilagnu baula dab-ii-memanu, Nug ii aum. Iitta amunu, Nug Jehoas bekka, King Jeroboam ehanitte, Israel ag padal memananu nug ehanattom.

1 Stori 11:2

Amu anukka, haen Saul nug king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe, nahip Kayak, Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

Nehemaia 9:27

Ag nau amu oh heppig amunu, na uuatte, ahilkad kekeɗ ag eɗatteg, ag kekeɗ eppelagppa daappig. Daaegeg, kekeɗ ag eheɗ hadappig. Kekeɗ ag anam eheɗ hadappig, amge haen amuppa ag nahipnu gaaeg, hab attan, na appa daattem amu, appa na ahilag gayak doon, na ahilagnu oot bodoetta auta autanab awa, le me, na hee, ehanittak danab ahan heeg, ag ahilkad kekeɗ eppelagppa ii daappig.

Esta 4:14

Aɗinu? Haen inamppa na oɗen qamutna daappe amu, laa nug geha heeb, laa nug Juda ehanatteb, ag oh ii mauhmana, amge na, na mamen baekkudppa ele, ag geha mauhkkulag. Am laa ii dootte, amge na haen imuppa king laugppa daattemnu diig am, na ig Juda ehanigkkutnu anam bemetai,” awa aum.

Eksodas 4:10

Yawe Nug Moses amegppa anam aum, amge Moses nug Yawe amegppa aum. “O Naɗi, nai mattiak dahil, amu laa ittag ii aqatte. Aɗinu? Da oɗel uugnab daatte. Da lemaɗul ele uug daatte. Da anukka anamib daami, gemu ele, na da amelppa nai iikku madittem, amge da daamibia, da anamib daattem ⌊amunu, da uɗat amu hekkulnu elele iitta⌋,” awa aum.

Aisaia 19:20

Qaɗab amu, men biidod ele aa Isip wanppa anttaknu at daaglah. Daapeɗ, danab ah anatna, ag Yawe Nukka Ɠagattag Oh Ele, ⌊Nug Isip wanppa daatte⌋ dooglag amunu, kekeɗ ag uɗin, eheɗ hadappeppeg, Yawe unuqidkkulag amu, Yawe Nug haen amuppa ehanatteb, padal memananu danab laa meeb uɗia ehanatteb, ag kekeɗ eppelagppa qagaiettak ii daamna.

Obadaia 1:21

Amu danab Yawe Nug ag Israel ehanatteg, qagaiettakppa ii daamnanu tituanadkku, huu amu ag qauko Sion, ⌊Jerusalem daatteppa,⌋ ag appa tena, ag Edom wan gumaglag. Amu Yawe Nug nukka, Nug ahilag king daakku.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Duteronomi 19:4

Am aun laa nug ii doyaya laa qe mauhom, nug haen matu nuhignu, nau ninig ele laa ii doyom ele amu, nug bau daakkunu, nug oola, aab amuppa ukka, nug appa bau daakku.

1 Samuel 12:11

Ag anam heeg, Yawe Nug ahilag unuqittak doya, Nug Gideon, Bedan, Jepta, amu da ele meikke uɗimut. Nug meikke uɗit heut, ag Israel, ag kekeɗ ahilkad eppelagppa ii daappig. Iitta. Ag baɗak iittappa daappig.

1 Samuel 19:7

Saul nug anam awowa, aria nug Jonatan uuitta ukkom. Nug ukke dimppa, Jonatan nug Dawit onigppa e, Dawit uɗie, amu Jonatan nug aɗi nai Saul nug aum amu, nug Dawit amegppa aum. Nug Dawit amegppa ana malowa, aria nug Dawit omala, Saul toppa ukke, nug daattom bia Saul toppa dayom.