2 King 11:4 - Nobonob Baibel

⁴ Amge Atalia nug anam kuin dayaya, kuin dayak nuhig maɗ eblaih aɗit ele, maɗ amu ooppa amu, mana mettak danab Jehoiada nug ban daup 100 dilag ikki, Karnu ban danab, amu ban danab ag king, nug laug ele gumappig amu, nug nai me ukke, ag Yawenu mettid lakka uɗiglagnu amelagppa aum. Nug nai me ukke, ag uɗieg, aria Jehoiada nug ag ele nug tituanna nai qagappig. Ag nug tituanna nai qakkeg, Yawenu mettid lag, appa nug he, ag keeke amu hekkulagnu ag nai ahilag amu ɠagattag qedappig. Ag amu hewona, dimppa nug Ahasia bekka Joas omala doa ippuanattom.

2 King 11:4 ပူးပေါင်းရင်းမြစ်များ

Genesis 50:25

Josep nug anam awowa amu, nug tuɗitta, Israel bekkod laa, amuam nug awakkud amag ele amu, nug ag amelagppa aum. “Kayak Nug ag ehanatteb, ag wan imu uun gokkulag amunu, dimppa ag gokkulagnu haen amu, ag gonana, ag da gaɗal ele maon gona, Kanan wanppa boumkkulagnab daatte,” awa aum. Nug anam ana, nug ag amu hekkulagnu ahilag nai ɠagattag qena amegppa akkulagnunab he appig.

2 Samuel 20:23

Joap nug Dawitnu daup oh dilag ikki anuqak dayom. Jehoiada bekka Benaia nug danab Dawit gumappig, amuam Keret danab, Pelet danab ele, nug ahilag okkai dayom.

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.

1 King 14:27

Sisak nug guppiɗ amu awa ukkom amunu, King Rehoboam nug guppiɗ amubia, amge brasppa hak heum. Nug anam ha, Rehoboam nug daup ag king laug enanagnab odppa daan, gumak uɗat heppig dilag ikki ag guppiɗ amu dabmettaglagnu ɗo meum.

1 King 18:10

Am Yawe, nahip Kayak, Nug genab bau daatte, genab amubia King Ahap nug na eɗua anidkkunu oo huan daye, nug na wan atu ohppa na anidkkunu mattiak uɗat naɗi heum. Nug anam haaha, nug he, danab ag wanppan wan ohppa gona, na mattidppig. Amu aɗi wan laa, amuppa ag nahipnu, ‘Nug ippa ii daatte,’ aeg amu, Ahap nug he, ag genab na mattidna anidkkulagnu elele iitta, ag ahilag nai amu ɠagattag qena appig.

2 King 11:17

Aria, Jehoiada nug he, King Joas nug, danab ah ele, amu Yawe ele ag nug tituanna nai qagappig. Nug tituana nai qakkak amuam, danab ah ag Yawenu danab ah aakkuib daaglagnu nai. Nug amu hewowa, nug he, king, amu danab ah ele ag nug tituanna nai qagappig.

2 King 11:19

Nug anam he, Jehoiada nug ban daup 100 dilag ikkilkad, Karnu ban danab, ban danab ag king, nuhig lag enanagnab ele gumatteb, aria Juda danab ah oh appa daappig ele omalatte, ag oh king Yawenu mettid lag, amuppanu omalna, kingnu lag enanagnab, appa goppig. Ag gona, kingnu lag enanagnab, ag appa Ban Danab Dilag Od atteb, od amuppa tena, aria king nug amuppa noa ukka, sia kingppa ta dayom.

2 King 11:3

Jehoseba nug Joas maɗ eblaih laippu ele Yawenu mettid lag ooppa, gumak ah nuhig ele lokkume dayom. Dayeye, haen amu Atalia nug Juda dilag kuin dayom.

2 King 11:9

Jehoiada nug anam a, ban daup 100 dilag ikkilkad ag mana mettak danab Jehoiada nug aum bianab aakku heppig. Danab ag Sabat deɗ amuppa ahilag uɗat hena malan, ag laulkadppa gokkulagnu daappig, laa ag haen amuppaib uɗin, uɗat digmena hekkulagnu daappig ele, Jehoiada nug ag oh daaglagnu aum, amu ahilkad okkai oh ag danab amu diin, Jehoiada toppa goppig.

2 King 12:7

Nug anam antta, King Joas nug mana mettak danab Jehoiada, amu mana mettak danab laa ele onilagppa e uɗieg, nug amelagppa aum. “Aɗinu ag Yawenu mettid lagnu laih laala nauhppig amu, ag ii eɗun bappaidtteb? Ag danab ah dabmattan ehanadtteb ele eppelagppa men doɗo baula aib aoppig. Iitta. Ag men doɗo aon uɗiglag amu, ag men doɗo amu lag babaittak danab eppelagppa meppeg, ag babaitteg!” awa aum.

2 King 23:3

King nug nai amu ebqewowa, nug Yawenu mettid lag, amuppa biidod daugppa, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum. Nug amu hekkunu amu, nug aɗi aɗi nai buk itoɗiak amuppa dayom ele, nug amu oh dim lamidkkunu aum. Nug anam he, dimppa danab ah oh ag ele nug tituana nai qakkak amu dim lamidkkulagnu appig.

1 Stori 9:13

Mana mettak danab eɗun uɗin daappig ele dilag ebqak am 1,760. Danab amu oh ag baelkadppa dilag ikki daanna, ag kalu mettak danab daappig. Kayak ag Nug laugppa daanna, ehanittak nuhikkud danab ah madakkunu maattom.

2 Stori 15:12

Ag amu henana, ag Yawe, Nug ag mamelkad aɗi dilag Kayak, ag Nug anidna dim lamidkkulagnu ag meulag ohppa Nug mattiglagnu, ag Nug ele nug tituanna nai qagappig.

2 Stori 29:10

Anam amunu, da Yawe, ig Israel, ihinig Kayak, nuhig oo nauhak huanaknab ig Israel, ihinignu amu iitta mekkunu, da Nug ele nug tituanta nai qakkagnignu dabmein daattem.

Nehemaia 10:29

ig oh, anuqak danab ele ig oh laippu daat, ig genabnab genab Kayaknu ɗo, Nug nuhig uɗat danab Moses oɗeppa ɗo mekkom amu, ɗo amu ig dim lamidkkunignu nai qakkat attem. Ig Yawe, nuhig haknunab nai, ɗo iɗu iɗu oh ele dim lamidkkunig. Ig ihinig nai imu ig ɠagattag qeta atata, ig ii dim lamidkkunig dayeb amu, ig eheɗ laa awaknu anak waappa daagnignu oonig daatte attem.

Nehemaia 5:12

Da anam ai, ag appig. “Ig keeke amu oh eɗut mattagnig. Ig mattota, ig aɗi keeke laa ag eppelagppa aognignu ii hemata. Na ame amu, ig anamib hekkunig,” aon appig. Ag anam aeg doyen, da mana mettak danab onilagppa ei doeg, da hei, anuqak danab, Juda dilag ehanittak anuqak danab ele, ag mana mettak danab amelagppa aɗi keeke hekkulagnu nai anan qagappig, ag nai amu dim lamidkkulagnu Kayak onigppa ahilag nai ɠagattag qettan appig.

Nehemaia 9:38

Anam amunu ig Israel danab ah, ig ⌊na Kayak, ig na dim lamidkkunignu⌋ nai qagattem amu, ig nai qakkak amu pepappa yaat, ihinkad ikki danab, ihinkad mana mettak danab, ihinkad Lewi buɗubppan mana mettak danab iitta ele amu, ag ig genab nai amu dim lamidkkunignu ahilkad at stemp-ppa daatteb pepa amuppa yaatteb.

Aposel 5:24

Anam aeg doona, aria mana mettak ikki danab amu ban daup Kayaknu mettid lag gumappig dilag ikki ele ag dabmak kuɗum aonna appig. “Keeke attemtai laa ana daakkutai,” aon appig.

Aposel 5:26

Danab amu anam a doona, ban daup ikki anuqak, amu nuhikkud ban daup ikki laa ele ag gona diippig, amge ahilagnu eheɗ laa ii heppig. Aɗinu? Ag baɗan inam akka akka appig. “Ig ag makkuɗadpput amu, danab ah ag ig menppa iqaglagtai,” aon appig.

Josua 24:25

Ag anam aeg amu, deɗ amuppa Josua nug ag ehanatte, danab ah ag Yawe ele nug tituana nai qakkak tatam heppig bia baula, Sekem appa heppig. Nug ɗo iɗu iɗu ag dim lamidkkulagnu ele ag amelagppa aum.

1 Samuel 18:3

Aria, Dawit nug aben Saul daatte, amuppa dayeye, Saul bekka Jonatan, nug nukka nuhignu oo mauhom, amubia nug Dawitnu oo mauhom amunu, nug Dawit ele aa nug tituana nai qakkak laa hepiɗ.

1 Samuel 23:18

Jonatan nug a amu, aa Yawe noobppa geha aa aya, ⌊aa nug ehanittak hekkulahnu⌋ aa baula nug tituanya nai qagapiɗ. Aa nai qakkak hewoya, Jonatan nug eɗua appagppa ugekke, Dawit nug Hores dayom.