2 King 11:2 - Nobonob Baibel

² Amge ag laippu ii qeppig. Atalia nug he, laa ag oh Juda dilag king ele tiig laippu aqappeg mauhkkulagnu heegeg, King Jehoram aɗeg laa Jehoseba, nug Ahasia ele aa am eappinag, nug Ahasia bekka Joas lokkuma awa, nug ah Joas gumom ele, Atalia nid amu qeeb mauhmanu, nug niiaknu oo laappa lokkumate, ag nug qeeg ii mauhom.

2 King 11:2 ပူးပေါင်းရင်းမြစ်များ

1 King 11:17

⌊Amu ag ii aqappignu diig am⌋ Hadat nug, amu nug mamegnu ehanittak anuqak laala ele, ag Edom ted amu, ag oolna, Isip goppig. Haen amuppa Hadat nug am nidib dayom.

1 King 6:10

Tatam anak amu, Solomon nug Yawenu mettid lag amu haaha, nug lag amuppa heqo laih ewamppa, oo duqowa, attan tak ahilag anen anen amu oh melemel laippu; amuam 2 mita, 20 sentimita ele. Aria, oo amu oh amunu duug am, ag ad sidappa gikkiak okkai ele. Oo amu oh am Yawenu mettid lag gililppa qataqak daappig.

1 King 6:8

Amu lag oo aɗit attan daattep, oo amuppa taknu adqaɗ am lag heqo laih yau uɗitteppanu, appa meppig. Appa ele am wanppan oo ukkaknu od dayom.

2 King 11:21

Joas nug maɗ eblaih aɗit ele dayaya, nug king beum.

2 King 11:3

Jehoseba nug Joas maɗ eblaih laippu ele Yawenu mettid lag ooppa, gumak ah nuhig ele lokkume dayom. Dayeye, haen amu Atalia nug Juda dilag kuin dayom.

2 King 12:1

Jehu nug Israel dilag king dayaya, nuhig king dayaknu maɗ eblaih aɗitppa amu, Joas nug Juda dilag king ba dayom. Nug king ba, nug maɗ 40 Jerusalem appa king dayom. Joas anig am Berseba aabppanu ah onig Sibia.

2 King 8:16

Ahap bekka Joram nug Israel dilag king dayaya, nuhig king dayaknu maɗ tanig eleppa amu, Juda dilag king Jehosapat nug mauhe, nug bekka Jehoram nug mameg abenab awa, nug Juda dilag king beum.

2 King 8:19

Amge Yawe Nug nuhig maɗi nid Dawitnu dabmak anuqak awom amunu, Jehoram eheɗ heum amu, Nug amunu nob ma, Juda wan heeb nauhkkunu, Nug amu hekkunu uuom. Nug haen oh Dawit buɗubppan danab laa king daakkunu nai ana qakkom amunu, Nug anam heum.

1 Stori 3:11

Jehosapat bekka am Jehoram. Jehoram bekka am Ahasia. Ahasia bekka am Joas.

2 Stori 22:11

Amge ag laippu ii qeppig. Atalia nug he, laa ag oh Juda dilag king ele tiig laippu aqappeg mauhkkulagnu heegeg, King Jehoram aɗeg laa Jehoseba, nug Ahasia bekka Joas lokkuma awa, nug ah nid amu gumom ele niiaknu oo laappa lokkumatom. Jehoseba, nug King Jehoram aɗeg, mana mettak danab Jehoiada wau ele amu, nug am Ahasia appinag amunu, nug Atalia nid amu qeeb mauhmanu anam heum.

Eksodas 8:3

Le Nil amu, geha og am-nab-bena, geha ag le uun bena gona, nahip lag enanagnab, appa tena, lag ooppa nahip niiak aben ooppa nona, niiaknu balalppa tekkulag. Am og ag nahipad ehanittak anuqak danab laulkadppa tena, danab ah nahipad laa laulkadppa ele geha tena, lag ooppa nokkulag. Amu geha aab ilan, bret manaknu dramppa, am bret kaboliaknu tappiɗ ooppa ele nokkulag.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 37:35

Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.” Yawe Nug anam atte.

Jeremaia 33:17

Aɗinu ag anam akkulag? Yawe Nug amunu inam atte. ‘Dawit buɗunppanu laa ag anen anen ahilag haenppa Israel dilag king bena, sia kingppa daaglag.

Jeremaia 33:21

Aria, amubia, da Dawit buɗub, Lewi buɗub ag mana mettak danab, ag ele, ag oh daanna, da noolppa dahil ɗo maɗoɗnu uɗat hetteb amu, da ag oh ele nug tituanta nai qakkamut, nai amuppa aɗi aɗi daakkunu nai qakkamut amu, laa heeb, keeke amu ii bekkunu elele iitta. Nai amuppa da Dawit, nug buɗub ele ag hanhan king daaglagnu, Lewi buɗub ag hanhan da noolppa dahil uɗat hekkulagnu ami amunu, anamib daakku.

Jeremaia 33:26

da Jakop buɗub geɗatten, da dahil maɗi nid Dawit buɗub laa nug Abraham, Aisak, amu Jakop ele buɗulkad gumadkkunu ele ii tituanpa. Amge anam iitta. Da nai amu qakkami, ɗo ele amu memi amunu, da gumadkkunu tituankkul. Aɗinu da amu hekkul? Da Israel, Juda ele dilah danab ah dilag ool gai-iitta doye, ool matten ehanadppi, ag eɗun, wan imuppa uɗin, enaib daaglag.”

Jeremaia 35:2

“Na ahan gona, na Rekap buɗub ag Yawenu mettid lag, amuppa heqo laih oo laala daatteb, ag appa oo laappa na ele qagmena daaglagnu oɗ madakkut. Na amu heppe uɗippeg, na wain laa ag lakkulagnu matte!” awa aum.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Esekiel 40:45

Nug da omaiɗa, appa ukka, nug da amelppa aum. “Lag laa, noob am yau uɗitteppanu, appa daatte amu, lag amuam mana mettak danab ag Kayaknu mettid lag atognotteb, ahilagnu daatte.

Ikki Danab 9:5

Danab ag nug dim lamidppig amu, nug ag diie gona, Opra, nug mameg Jerubal, ⌊am Gideon,⌋ ag nug laugppa noppig. Ag gona tena, ag ⌊Abimelek awakkud amakkud oolagppan laa nug aha, Abimelek qeeb mauheb, nug king bemanu⌋ ag Abimelek amakkud, awakkud 70 oh, ag nug ele mamelag laippu, amge halab laippu iitta amu, ag ag ohnab diin gona, men naɗi laa daatteppa tena, appa aqappig. Nug amag nakok, Jotam aakkuib ii qeppig. Aɗinu? Nug am oola ukka lokkumom.