2 King 10:9 - Nobonob Baibel

⁹ Aria, wagkkaɗe buttua Jehu nug aha, aab okkainu aɗ odppa ukka, ikkilag okkulak amu antta, danab ah kuɗum ag appa qagmak daaegeg, nug hibaitta dayaya, inam amelagppa aum. “Ag beɗulagppa am aab iitta. Da dakkaib dahil danab okkai Joram tabappi nokkunu dabmein, da nug qei mauhom. Amge aunnab nug ameg imu aqom?

2 King 10:9 ပူးပေါင်းရင်းမြစ်များ

2 King 10:6

Ag anam heeg, aria Jehu nug uɗug laa yaalatta, ikki danab amu dilag me ukke, nug inam amelagppa aum. “Ag da ehaniɗkkulagnu, ag da oɗel dim lamidkkulagnu oolag daatte dayeb amu, ag ahilag okkai Ahap, ag nug bekkod oh ag aqeg! Aqappeg mauhppeg, ag ikkilag oh okkuladna akkan, butti haen inamppa da gumiɗna, Jesril uɗieg!” awa aum. King Ahap bekkod 70 ag Samaria aab okkaippa daatteb amu, ag aab okkai amunu ikki danab ele daanna, danab okkai amu ag gumadnana, sul keeke madappig.

2 King 10:8

Ag anam heeg, Jehu nug Ahap bekkod aqappig, ikkilkad okkulak amu meeg Jesril ukke, haen nug nai amu doya, aria nug haknunab inam aum. “Ag ikkilkad okkulak amu aab okkainu aɗ odppa ameg aɗitppa qagmeppeg ukkeb, wagkkaɗaɗ!” awa aum.

Aisaia 5:3

⌊Anam dayom amunu, da layal nug inam aum.⌋ “Ag danab ah Jerusalem daatteb, ag Juda danab ag Juda wanppa laih laih daatteb ele amu, ag appeg da doyei! Uug imu beum amu, aun nug eheɗ heum amunu uug amu beum? Date eheɗ hemi, o iitta dahil grep dad nug nukka eheɗ heumtai? Ag epeɗieg!

Hosea 1:4

Aakku Yawe aum. “Nid onig Jesril ataɗe! Amunu diig am, da King Jehu, amu nug buɗuppud ele ag bu madakkulnu hettem. Aɗinu? Jehu nug danab ah kuɗum Jesril appa aqe mauhppig. Da ele geha heppi, laa ag Israel tabappeg nob, Israel am baula wanppan wan laa ii daama.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.