2 King 1:2 - Nobonob Baibel

² Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

2 King 1:2 ပူးပေါင်းရင်းမြစ်များ

1 King 11:33

Da geha kobol imu Solomon, ⌊nuhikkudppan⌋ ele dilagppa hekkul. Aɗinu? Ag da uuiɗna dimeɗan, Saidon dilag kayak ah Astoret, Moap dilag kayak Kemos, amu Amon dilag kayak Molek ele noolagppa dup nona binalag meegeg uɗie, gemu ele hetteb. Am ib ena ag oiglagnu da tituanen mattami amu, ag uuna, am ɗo nai dahil oh ag ii dim lamidnana, ag kobol oh dahil neekkakppa ena daatte ele amu, ag ii heegeg uɗie, gemu ele ii hetteb. Ag Solomon mameg Dawit keeke amu oh dim lamittom bia ii heegeg uɗie, gemu ele ii hetteb.

1 King 14:3

Na bret eblaih laih ele aon, am bret batappatak laala ele aon, uppuh leppu botol laippu ele aon gona mettona, na ihinih nid, nuhig oɗe imunu oɗ mette! Oɗ medappe, geha nug nid imunu attem bekku amu, nug na amenppa akku,” awa aum.

1 King 22:34

Amge ban danab ag ban henana, Aram ban danab laa nug lat pimala, lat doɗo hamu e, Israel dilagppa ukka, lat doɗo amu Israel dilag king Ahap beɗu laih, bannu klos me, hauta ii auta awom, giɗo nakoknab dayom amu, lat doɗo giɗo amu awom. Aakku Ahap nug nuhig karis ulum aɗak danab amegppa aum. “Da guittak aomide amunu, paha karis aon eɗuppe, ban aben imu uuɗ goɗu!” awa aum.

1 King 22:40

Ahap mauhe, nug bekka Ahasia nug abenabppa king ba dayom.

2 King 1:16

Elaiya nug ukka ta, king amegppa nai imu mattia aum. “Yawe Nug inam atte. ‘Na aɗinu danab otiatte, ag Ekron dilag kayak Balsebup oɗ mettaglagnu goppig? Israel dilagppa amu, Kayak laa, na Nug oɗ medakkutnu iite daatte? Na amu heme amunu, na geha niittemppa, anam niikkut. Na geha bau eɗun, ena ii daamna. Iitta. Genab, geha na mauhkkut,’ ” awa aum.

2 King 1:3

Ahasia anam heum, amge Yawenu engel nug propet Elaiya, Tisbe ted, nug nug amegppa aum. “Na ahan gona, Samarianu king nug danab maatte, Ekron gotteb, na ag uɗalag tena, amelagppa inam akkut. ‘Aɗinu ag Balsebup, Ekron dilag kayak, ag nug oɗ mettaglagnu gotteb? Israel ippa am Kayak laa iite daatte amunu, ag appa gotteb?’ ⌊Ag eɗun gona, king amegppa inam aig!⌋

2 King 1:6

King anam oɗ matte amu, danab amu ag king amegppa appig. “Danab laa uɗia, ibppa uɗanig ta, nug inam amenigppa aum. ‘Ag eɗun gona, king maatte uɗippig ele amu, ag nug amegppa inam appeg doyaɗ! “Yawe Nug inam atte. Na aɗinu danab otiatte, ag Ekron dilag kayak Balsebup oɗ mettaglagnu gotteb? Israel dilagppa Kayak laa iite daatte? Na amu heme amunu, na geha niittemppa, anam niikkut. Na geha bau eɗun, ena ii daamna. Iitta. Genab, geha na mauhkkut,” awa aum.’ ” Ag king amegppa anam appig.

2 King 17:16

Israel ag Yawe, ahilag Kayak, ag nuhig haknunab nai oh amu uun, ag gol aon, golppa makau gaiɗ aɗit dottolah haatna, noolahppa dup nona binalah meppig. Ag kayak hambuppuak Aserah dabmekkulagnu biidod ele hena, ag amu noobppa dup nona binag meppig. Ag hoɗopai ele noolagppa dup nona binalag menana, kayak hambuppuak Bal ele noobppa dup nona binag meppig.

Job 31:3

Am inam. Nau hak danab ag uug naunabppa daaglag. Ao, laa eheɗ hetteb ele, ag padal mekkulag.

Solomonnu Ahi 2:9

Laa nug dahilnu oo mauhtte, nug am doɗ gasel, o doɗ dia gaiɗ, nug amubia daatte; amu antte! Nug ii launih gilil heqo laihppa daatte. Nug gililppa ulah ibuppa dayaya, neekke lag ooppa uɗitte; nug oo ⌊da daattemppa⌋, nug amuppa neekkakka daatte.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Aisaia 2:6

⌊O Yawe,⌋ na nahipad danab ah, ag Jakop buɗub amu, na ag uuadna dimattame. Aɗinu? Nahipad danab ah ag danab ah aam bedeppanu dilag dabmak hambuppuak aoeg, ahilagppa ambeum. Ao, danab ah nahipad ag Pilistia danab ah dilag eman hak kobol aon, ag amu hetteb. Ag danab ah Yawe ii dim lamidtteb ele laippu oinna hetteb.

Aisaia 37:12

Da mamelad aɗi ag Asiria dilag king daappig amu, ag henan, wan kuɗum eɗadna heeg, nauhna autna aoppig, wan amunu kayak laa nug ag ehanatte ena daappigte? Iitta! Wan amuam Gosan, Haran, Resep, amu Iden danab ag Telasar daappig.

Aisaia 37:19

Genab, ag wan amu ohppan kayak am akkaeg, aab aɗuppa teeg ewatte, iitta meppig, amge ag amu heppignu diig am, kayak amu, ag am kayak genab iitta; ag am men, ad ele hoiyak aakkuib. Danab ag kayak amu eppelagppa heppig.

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Mak 3:22

Anam appig amge, ɗo mehuqak danab ag matu Jerusalemnu neppig, ag Nug heumnu inam appig. “Ouɗi nau ikkilag Belsebub nug danab imu beɗuppa daatte amunu, Nug ɠagattag amuppa ouɗi nau lamadtte,” aon appig.

Luk 11:15

Amge danab laala ag appig. “Nug ouɗi nau ikkilag Belsebub, Nug nuhig ɠagattagppa ouɗi nau lamadtte,” aon appig.

Aposel 20:9

Amu nid bau laa, nug onig Yutikus, nug lagnu ulah ibuppa dayom. Amu Pol nug nai elab mattieye, Yutikus nug ameg na auta awe, nug niia gad ma, lag oo attan ewamppanu na qa ukka, wanppa qa mauhe, ag nona aon doeg,

Josua 15:11

Timnanu amu, tom ukka, qauko nakok laa aab Ekronnu, yawalti uɗitteppanu daatte, appa wana, appanu tom amuam talilitta, Sikeron wana, amu qauko Bala appa ukka, Japnel wana ukka, Mediterenia yuppa noum.

Ikki Danab 11:24

Na nahip kayak Kemos keeke mettom, na amu dabmette; ig am Yawe, ihinig Kayak, nug keeke mekkom, ig amu dabmettagnig.

Ikki Danab 5:28

Sisera nug appa mauhom, amge anig laugppa gililppa ulah ibuppa amu, Sisera anig nug appa dayaya, neekke ukkom. Yo, gililppa ulah ibuppa nug eɗua uɗiebeb anidkkunu neekkom. Nug aum. ‘Nug aɗinu nuhig bannu karisppa eɗua aabppa uɗikkunu amu oiyeye, haen elabnab gotte? Aɗinu ig bannu karis nuhignu oqotti paha ii doottem?’ awa oɗmak heum.

1 Samuel 5:10

Uug amu beum amunu, Gad danab ag heeg, danab ag Kayaknu Tituanak Nainu Kunup amu maon, Ekron goppig, amge Ekron danab ah ag danab amu ag Kayaknu Tituanak Nainu Kunup amu maon uɗin, aab ooppa uɗiglagnu uɗieg anidna, ag eheɗ enana appig. “Ag Israel dilag Kayaknu Tituanak Nainu Kunup ig, ihinkad danab ah ele iqeeb mauhkkunignu maon uɗippig,” aon appig.