2 Jon 1:1 - Nobonob Baibel

^1-2 Da Jon, da Kayaknu tamaniaknu ikki danab laa, da nai imu yaattem. Da na ah Kayak tituanittom, nahipad nid naunau ele, da ag oh ahilagnu yaattem. Doyak diig genabib ihinigppa daatte, haen oh ele daakku amunu, da genab ahilagnu ool mauhtte. Am daib iitta. Laa ag doyak diig genabib dootteb amu, ag ele amubia ahilagnu oolag mauhtte.

2 Jon 1:1 ပူးပေါင်းရင်းမြစ်များ

Luk 1:3

O danab naɗi Tiopilus, na ele keeke amunu aeg doome. Aeg doome amunu, da ele na nai doome am genabnab dookkutnu nahipnu nai amu baula yaakkulnu ool dayom amunu, da keeke amu digmakppanu ukke batakppa ele ohnu oɗmak tutukku elelenab hei, aeg doyen, iikku eleleppa yaattem.

Jon 8:32

Ag geha doyak diig genabib dooglag, amu doyak diig genabib amu heeb, ag uhuqak enappa daaglag,” awa aum.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Rom 16:13

Amu ag humittak dahil Rupus metteg! Nug Naɗi dim lamidkkunu amu, danab enanag. Nug anig amu, nug dahilnu da anil bia hette, amu nug ele am humittak dahil metteg!

Galesia 2:14

Aria, ag Nai Ena ippunigtte amubia ii oippig anidmi amunu, da ag noolagppa Pita amegppa ami. “Na Juda danab, amge na iitta aɗi ⌊ag Kristen daatteb, amge ag Juda dilag dimittimnuib ɗo oh ii dim lamidna oitteb amu,⌋ na ag oitteb bia oittem. Anam amunu, na attem hena, na gemu iitta aɗi, ag Juda kobol amu dim lamidkkulagnu ɠagattag hettem?

Galesia 2:5

Amge ig Nai Ena ag iitta aɗi, ahilagppa hanhan daakkunu oonig dayom amunu, ig gaɗalag Kristen dilag nai amu nakoknab laa ii dabmemut.

Galesia 3:1

Galesia ag am dabmak tutukku iitta danab. Da Jesus Kristusnu ag amelagppa mattiiyi, ag geha aakku Nug ad emaitakppa atuleg dayeye anidppig bia dooppig. Amu aun nug he, gemu ag ahilag dabmak am kaboliak daatte?

Galesia 5:7

Anukka ag am ena oippig. Am aun nug ib oo ne, ag doyak diig genabib baula ii dim lamidtteb? Nug attem he, ag amu uuppig?

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Hibru 10:26

Amu ig doyak diig genabib aot doyota, ig dootta hipunin baubau hettem dayeb amu, ⌊ig hetata⌋ ihinig hipunin uhuqaknu mana mettak laa ii anidmata.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

1 Pita 5:13

Amu Kristen tamaniak laa ag bia Babilon daatteb, Kayak Nug tituanattom ele amu, ag ele humattak nai ahilagppa meeg gotte. Amu da bekkal Mak nug ele humattak nai me gotte.

1 Jon 2:21

Ag doyak diig genabib ii dooppig amunute da imu yaattem? Iitta! Ag doyak diig genabib amu dootteb amunu, da ahilagnu yaattem. Amu ag ele dootteb, nai hambuppuak laa doyak diig genabibppa ii daatte.

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

2 Jon 1:13

Da daattem imuppa, ah laa na nug ele am eappinag amu, Kayak Nug ah amu nuhig tituanom ele, nid nuhikkud ag na humidtteb.

2 Jon 1:5

O ah Kayak tituanittom ele, da haknunab anak bau nahipnu ii yaattem. Iitta. Imuam haknunab anak, ig digmakppa aomut, amuib. Haknunab anak amuam ig lainkad ele nug oo mauhak doognignu daatte, amu da ig oh amu dim lamidkkunignu iikku unuqadttem.

3 Jon 1:1

Da Jon, da Kayaknu tamaniaknu ikki danab laa, da layalnab Gaius nahipnu nai iikku yaattem. Da genab nahipnu ool mauhtte.