1 Stori 5:2 - Nobonob Baibel2 Judanu amu, Juda buɗub ag ɠagattagnab bena oippig, Juda awakkud, amakkud laa oh eɗattak; king nug buɗubppa ele beum, amge Josep buɗub ag nid naanaegnu binag aon oippig; Juda iitta. အခန်းကိုကြည့်ပါ။ |
Nug da amu hekkulnu aib aum, amge Yawe, Israel dilag Kayak, Nug da, da baeladppa ele ig hanhan king daagnignu ooppa ena doya, Nug tituanikka he, da iikku king daattem. Aɗinu? Nug Israel dilag huu okkai Juda ag Israel oolagppa noob awa ukkak danab daaglagnu tituanatta, Nug da mamel baegppa ele tituanikka, ag oolagppan Nug dahilnu oo ena daye, da king daakkulnu tituaniɗa he, da king daattem.
Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.
Kobol daatte am inam; mameg nug aug kuɗum nid ⌊danab⌋ tatamnu medakkuoitte. Nug nid ⌊danab⌋ tatamnu keeke aɗit aɗit batak medatta, bekka gehanu amu laippu laippu anam medakkuoitte. Nid danab tatamnu am danab oh dilag nid danab tatamnu bia, nug mamegnu ɠagattag ippunigtte, amu kobolppa nug aɗi aokkunu daatte, amu nuhigppa daatte. Amu genab, mameg nug bekka aug keeke kuɗum medatte ele amu, nug nug anignu oo huana ii mauhtte me, nug am nid danab tatamnu daatte amunu, nug aug anam aokku.
Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.
Anam dayom, amge amu oh ii nak haenppa, Israel ag Gilgal appa daanna, haen amuppa Israel dilag huu okkai Juda danab laala ag Josua gumidna goppig. Ag gona amu, Jepune bekka Kalep, Kenis ted, nug Josua amegppa aum. “Haen ig Kades Barnea daautut amu, Yawe Nug Kayaknu danab Moses amegppa da na ele, ihinihnu Nug aɗi aum amu, na doottem.
Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.
Samuel nug anam a amu, Jesi nug nid laa ukka, Dawit omala uɗikkunu he ukka, omala uɗiom. Dawit iɗu am anttaknu enanag, beɗu ele ena, ɠagattag, amu nug ameg ele ena amahaltte. Nug uɗia do, Yawe Nug Samuel amegppa aum. “Nug aakku, da nug king daakkunu tituanmi amunu, na nug king daakkunu goɗen gokkaɗakppa tituane!” awa aum.