1 Stori 4:9 - Nobonob Baibel

⁹ Amu danab laa, nug onig Jabes. Nug oiyaya, binag okkai ele awom; nug binag am awakkud amakkud binalag eɗittak. Nug anig nug menuom haenppa nug guittak doya, Jabesnu, “Da guittak okkai doyeye, menumi,” aum amunu, nug onig Jabes ataɗom.

1 Stori 4:9 ပူးပေါင်းရင်းမြစ်များ

Genesis 3:16

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

Genesis 34:19

Ena doya, Sekem, nug mameg baekkudppa laa oh amelagppa anuqak dayom, nug Jakop aɗeg Dainanu enanagnab doyom amunu, nug paha Jakop bekkod appig bia hekkunu ahom.

Genesis 35:18

Nug anam a, Rahel nug mauhkkunu miag dayom amunu, nug nid onig Benoni ataɗom. Ataɗom, amge Jakop nug onig Benyamin ataɗom.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

1 Stori 4:8

Kos ele. Kos bekoɗ aɗit am Anup, Hasobeba ele. Nug bekoɗ amu aakku. Nug aa mamelah dayaya, nug am Harum bekka Aharhel buɗub, nug aab ikki amu mamelag ele dayom.

1 Stori 7:23

Amu dimppa Epraim nug wau ele oiya, wau nug oo ele daya, nid danab menuom. Epraim nug uug nau nug baegppan dilag beum dabmeum amunu, nug nid amu onig Beria ataɗom.

Prowerb 23:25

Na mamen anin ele nahipnu oo gamag ahak dooglahnu, na anam oiye! Ao, na anin nahipnu dabma, oo gamag ahak aokkunu ib mette.

Aisaia 43:4

Da ag Israel, ahilagnu da ool madattem, ag dahil neekkakppa ag binalag ele; da ahilagnu ool mauhtte. Anam amunu, da heppi, danab laa ag oulag daappeppeg, ⌊da amuppa eɗuen, ag aben enappa maadkkul⌋. Ao, ag Israel, ag mauhmananu da heppi, danab ah ag oulag daappeppeg, ⌊amuppa da ag ehanadppi, ag ena daaglag⌋.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

1 Samuel 4:21

Nug nai amu hamu doya, nug, “Kayaknu binag amahlak oppiaawak ele Israel ooppanu ukkom,” anana, nug nid onig Ikabod ataɗom. Nug anam aumnu diig am, Pilistia ag Kayaknu Tituanak Nainu Kunup aon goppig, amu nug gamu, gamu mameg ele oh mauhpiɗ.