1 Stori 27:1 - Nobonob Baibel

¹ Kalam anen anen danab 24,000 ag uɗin, king ehanidnana, ban daup dilag uɗat aakku henan daappig. Kalam laa 24,000 uɗin heppig. Kalam laa 24,000 laa uɗin heppig. Ag anam heegeg ukke, maɗ laippu uue, ag baula haen ahilagppa uɗippig. Laa ag kalam anen anen uɗin, ban daup daappig, ahilkad ikki am Israelnu baelkadppan okkai, ban daup 1,000 dilag ikkilkad, ban daup 100 dilag ikkilkad, amu ban daup ikki laa ele. Danab amu ag daup kalam anen anenppa uɗin daappig, ag ag gumadppig; amu ag onilag am inam.

1 Stori 27:1 ပူးပေါင်းရင်းမြစ်များ

2 Samuel 23:8

Dawitnu ban daup ɠagattagnab onilkad am inam. Tatam am Takemon ted onig Josep Basebet. Nug am huu laa onig Danab Ewam dilag ikki dayom. Danab Ewam ag am Dawitnu ban daup oolagppa onilkad okkai, laa oh eɗattak ele. Deɗ laa Josep Basebet nug danab 800 ele ban henana, qep elab nuhigppa aqe mauhppig.

1 King 4:27

Wan obatak laib laib ohppa danab anuqak daappig, ag haen oh kalam anen anen ahilag haen mattak, amuppa ag ee aon gona, King Solomon medattappig. Ee amuam king, amu nuhikkud danab oh nug ele daatteb amu, ee amuam ag oh lakkulagnu. Danab anuqak amu ag ahilag uɗat ena heppig amunu, king nug haen laa keeke laanu tutu laa ii dayom.

1 King 4:7

Solomon nug gawana 12 Israel dilag wan obatak anen anen gumaglagnu otialattom. Danab amu ag ee, wan obatak ahilag, amuppanu ag aon meppeg, Jerusalem ukkeb, King Solomon nug baekkudppa ele ag lakkulagnu hanhan hedappig. Wan obatak laanu okkai nug kalam laappa nuhikkud danab ah dilagppa ee awa, nug ee amu Jerusalem me ukkom. Laa nug kalam laappa me ukkom. Ag oh anam heeg ukke, kalam 12 male, ag baula digmeppig.

1 King 5:14

Solomon nug danab amu huu ameg ewam oppatom; huu ameg ewam amu anen anen oh ag danab 10,000 ele. Amunu kalam ohppa huu ameg laippu ag gona kalam laippu uɗat heppig. Aria, ag kalam laippu uɗat hewona, ag eɗun uɗippig. Amu huu ameg laa goppig ele ag daanna, uɗat heppig. Huu ameg aɗit amu, ag uɗatppa ii daaegeg, huu ameg laa ag uɗat amu heppig. Ag anam baolinna heppig. Maɗi nid amu ag kalam laippu Lebanon daanna, kalam aɗit Israel wanppa daappig. Danab amu ag ɗo waappa kingnu uɗat haknuib daappig, ahilag gumattak danab amu, nug danab onig Adoniram.

1 Stori 11:10

Yawe Nug Dawit, Israel wan oh dilag king daakkunu Dawit amegppa nai anan qakkom amu, Nug aum bia Israel danab oh, ban danab ɠagattag ele ag Dawit ehanitteg, nug Israel wan oh dilag king ba dayeye, nuhig gumak ii uɗalom. Amu ban danab ɠagattag dilag nai am inam.

1 Stori 13:1

Amu dimppa Dawit nug nuhikkud ban daup 1,000 dilag ikkilkad, laa ag ban daup 100 dilag ikkilkad ele, nug ag onilagppa e uɗieg, nug ele nai madippig.

1 Stori 26:32

Jeria nug danab 2,700, ag oh nug ele tiig laippu, nug ag gumattom. Danab amu oh ag am kalu mettak danab daanna, baelkadppan dilag danab okkai daappig. Ag anam daaegeg, King Dawit nug he, Jeria, nug laikkud ele ag Ruben buɗub, Gad buɗub, Israel dilag huu okkai Manase mahaib laan danab ele ag Kayaknu keeke hekkulagnu, kingnu keeke ele hekkulagnu daappig amu, ag amu hekkulagnu gumappig.

1 Stori 27:2

Sabdiel bekka Jasobeam nug am kalam anuqaknu obatak dilag okkai dayom. Danab 24,000 ag obatak amuppa daappig.

1 Stori 28:1

Amu deɗ laa Dawit nug Israel dilag danab okkai oh ag Jerusalem uɗin qagmekkulagnu onilagppa eum. Nug ameg ameg imu onilagppa eum; Israel dilag huu okkai dilag okkai, danab ag king ehanidppig dilag okkai, ban daup 1,000 dilag ikkilkad, ban daup 100 dilag ikkilkad, laa ag king, nug bekkod ele dilag en, doɗ gumak uɗat gumappig ele, ahilag ikki danab, danab ag Dawitnu lag enanagnab gumak uɗat heppig ele, ahilag ikki danab, ban danab ɠagattag, amu daup oh ag oolagppa ɠagattag doyak ele.

1 Stori 29:6

Dawit nug anam a amu, Israel baelkadppan ikki danab, Israel dilag huu okkai dilag okkai, ban daup 1,000 dilag ikkilkad, ban daup 100 dilag ikkilkad, danab okkai ag danab kingnu uɗat heppig gumappig ele amu, ag oo qak iitta ele keeke Yawe medappig.

2 Stori 1:2

Amu Solomon nug Israel dilag ban daup 1,000 dilag ikkilkad, ban daup 100 dilag ikkilkad, epeɗiak danab, Israel dilag ikki danab laa, amu Israelnu baelkadppan ikki danab ele, ⌊danab amu ag Israel oolagppanu Israel danab oh oulag daappig amu,⌋ nug ag oh onilagppa e uɗieg, nug ag amelagppa a,

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Duteronomi 1:15

amunu, da ag Israel da ahilkad huu okkai anen anen oolagppan ikki danab ag epeɗiadppig ele, ag am danab doyak dabmak ena ele, danab ag Israel, ag ahilagnu ena elele dooppig amu, da danab amu ag Israel danab ah ameg laala 1,000, ameg laala 100, ameg laala 50, amu ameg laala 10 dilag okkai danab daan gumadkkulagnu, ag ahilkad huu okkaippan ehanittak anuqak danab ele daaglagnu otiadmi.

Josua 23:1

Amu Yawe Nug he, Israel ag kekeɗ laa ii baɗadna, ag ena daappig. Maɗ kuɗum ukke, Josua nug aakku kainonab meum.

1 Samuel 8:12

King nug heeb, ag bekkalkad laa ag ban daup laa 1,000 dilag ikki daaglag; laa ag ban daup 50 dilag ikki daaglag. Amu king nug ele ag bekkalkad laa diia heeb, ag nuhig wan buun, nuhig ee aon, ma lakka menana, nuhig ban haknu keeke, am bannu karisnu keeke ele hena mettaglag.