1 Stori 26:16 - Nobonob Baibel

¹⁶ Amu ag om baula yaaeg, Supim, Hosa ele dilah huu ag od aɗit, laa qaban uɗitteppanu od, od laa onig Saleket, ag od amuppa daan, od aɗit amu gumaglagnu daappig. Od onig Saleket am ib attan gotte daugppa daatte. Huu amu anen anen ag ahilag uɗat anam hekkulagnu tituanatteg, huu oolagppan laa ag ahilag abenppa daan uɗat heeg ukke, ag ahilag haen male, huu amu oolagppan laa ag uɗin uɗat heppig. Od ohppa ag anam heppig.

1 Stori 26:16 ပူးပေါင်းရင်းမြစ်များ

Nehemaia 12:24

Haen amuppa amu, Lewi buɗubppan mana mettak danab iitta, ag baelkadppan ikki danab am Hasabia, Serebia, Katmiel bekka Jesua ele. Aria, ikki danab amu ag laih daaegeg, ahilkad uɗat laippu ele ag laih daaegeg, ag nug neekkidna daan, ag oh Kayak amegppa, “Ena heme,” anan, Nug binag mekkulagnu daan, ameg laa ag ahi maha tutu ettan malaeg, ameg laa ag nai amunu noob ahi edappig. Ag anam anam aakku heppig. Ag Kayaknu danab Dawit, nug ag anam hekkulagnu ana, ɗo mattom, amubia ag aakku heppig.

2 Stori 9:4

nug King Solomon ee ena kuɗum amu nug deɗ ohppa aotte, amu nuhikkud ehanittak anuqak danab, amu ele kuɗum, ag nug ele daanna ee lappig amu, nug amu ele anttom. Laa amu, nug kingnu maɗi nid, ag ahilkad lamen elab enanag ele, nug ag ele anattom. Aria, nug kingnu wain paniak danab, ag ahilkad lamen enanag ele anatta, laa amu nug doɗ Solomon diia, Yawenu mettid lakka ukka, manaknu ofa hettom amu, nug amu ele anttom. Kuin nug keeke ena amu oh anam anatta, nug ooppa ottaiak beebe, dabmak kuɗum awom.

1 Stori 25:8

Ag oh uɗin uɗat hekkulagnu haen dooglagnu amu, ag om ena yaappig. Laa danab kaino, laa nid bau daappig, laa tisa, laa am ippunittak awaknu nid daappig, amge ag oh ahilag haen uɗat hekkulagnu dooglagnu amu, ag om ena yaappig.

1 King 10:5

nug King Solomon ee ena kuɗum deɗ ohppa aotte, amu nuhikkud ehanittak anuqak danab, amu ele kuɗum, ag nug ele daanna ee lappig amu, nug amu ele anttom. Laa amu nug kingnu maɗi nid, ag ahilkad lamen elab enanag ele, nug ag ele anattom. Aria, nug kingnu wain paniak danab anatta, laa amu nug doɗ Solomon nug diia, Yawenu mettid lakka ukka, manaknu ofa hettom amu, nug amu ele anttom. Kuin nug keeke ena amu oh anam anatta, nug ooppa ottaiak beebe, dabmak kuɗum awom.

1 Stori 26:15

Ag om ena bau yaan, Obetidomnu huu ag yau uɗitteppanu odppa daan gumaglagnu daappig. Amu om ena yaak laappa ag nug bekkod ag keeke maknu oo laa, ag amuppa daan gumaglagnu tituanadppig.

1 Stori 26:17

Danab ag od gumak uɗat heppig, ag Lewi buɗubppan mana mettak danab iitta amu, deɗ anen anen danab eblaih laippu ele ag kaɗag uɗitteppanu odppa daan gumappig. Amu deɗ anen anen danab waɗele ag yawalti uɗitteppanu odppa daan gumappig. Deɗ anen anen danab waɗele ag yau uɗitteppanu odppa daan gumappig. Amu keeke maknu oo, amuppa amu hanhan danab aɗit aɗit daappig.

1 Stori 26:18

Qaban uɗitteppanu, haɗap appan daatte, amunu odppa amu, danab waɗele ag ibppa daaegeg, aɗit laa haɗap-ppa daaeh, ag oh aben amu gumappig.