1 Stori 26:12 - Nobonob Baibel

¹² Danab Yawenu mettid lagnu od gumappig ele, ag obatak anen anen daappig, amu obatak anen anen amu, ag oolagppanu baekkudppan danab okkai laa, nug ahilag okkai dayom. Ag lailkad, Lewi buɗubppan mana mettak danab iitta, ag Yawenu mettid lagppa uɗat hekkulagnu daappig, amubia danab imu ag Yawenu mettid lag, amuppa Kayaknu ɗo maɗoɗnu uɗat hekkulagnu daappig.

1 Stori 26:12 ပူးပေါင်းရင်းမြစ်များ

1 Stori 25:8

Ag oh uɗin uɗat hekkulagnu haen dooglagnu amu, ag om ena yaappig. Laa danab kaino, laa nid bau daappig, laa tisa, laa am ippunittak awaknu nid daappig, amge ag oh ahilag haen uɗat hekkulagnu dooglagnu amu, ag om ena yaappig.

2 King 7:10

Ag anam awona, aria ag ⌊uudo, gatatu ele⌋ gona, Samaria aab okkaippa tena, ag aab okkainu aɗ odppa daanna, ag od gumak danab onilagppa eeg uɗieg, amelagppa appig. “Ig Aram dilag haen tutu dayaknu aab kalakppa gomut amu, appa danab laa daaeg ii anadmut. Danab daanna nai mattieg, baalag laa ele ii doomut. Iitta. Keeke ahilkad amu oh ag uun ukkaeg niiegeg anidmut. Ahilkad hos, donki ele amu, am oh muɗippa qakkaladppig anam daatteb. Ahilkad sel lag ele daappig, ag anamib aakku daatteb,” aon appig.

1 Stori 26:11

Hosa bekka laa, nid tatamnu amu dimugppan am Hilkaia. Hilkaia dimugppan am Tabalia. Tabalia dimugppan am Sekaraia. Hosa bekkod, baekkudppan laa ele ag ahilag ebqak am 13.

1 Stori 26:13

Ag danab bau o danab kaino bia, ag amu ii dabmeppig. Iitta. Ag obatak atten am od attenppa daan gumaglag amu, ag amu bappaidkkulagnu om ena yaan, tituanadppig.

2 Stori 35:15

Lewi buɗubppan mana mettak danab iitta, ag musik heppig ele, ag Asap buɗub amu, ag Dawit, Asap, Heman, Dawitnu propet danab Jedutun ele ippunadppig bia, ag ahilag abenppa daan, ⌊musik heppig⌋. Aria, Lewi buɗubppan mana mettak danab iitta, amunu obatak laa ag od gumappig ele, ag aguppa daappig. Od gumak danab amu ag oh anam daaegeg, ag lailkad Lewi buɗubppan mana mettak danab iitta, ag ee keeke, ahilag ele bappaidppig amunu, ag ahilag uɗat uun gona, ee aoglagnu ii dayom. Iitta. Ag anamib daaeg ukke ukke, deɗ amunu mana mettak keeke oh ha malak daye, ag uuppig.

1 Stori 9:23

Danab Dawit, Samuel ele tituanadpiɗ amu, ag buɗulkad ele ag Yawe laugnu od gumaglagnu uɗat aakku aoppig daatteb. Tatam, haen ag uɗat amu aoppig amu, haen amuppa Yawe laug am mettid haknu peh lag dayom.

2 Stori 31:14

Ag amu heegeg, Imna bekka Kore, nug Lewi buɗubppan mana mettak danab iitta, ag oolagppanu, nug Yawenu mettid lagnu aɗ od kaɗag uɗitteppanu daattenu gumak okkai amu, nug Israel danab ah ɗo hamu mettaknu ofa aon uɗin, amu keeke Israel danab ah ag Yawenu daakkunu tituanna, Nug medappig ele aon uɗippig, nug amu oh gumaama, nug keeke amu oh mana mettak danab, amu Lewi buɗubppan mana mettak danab iitta, ag ele, nug ahilagnu otiatta mattom.