1 Stori 17:2 - Nobonob Baibel

² Dawit nug anam a amu, Natan nug oɗeppa awa aum. “Kayak Nug na ele daattep amunu, na aɗi hekkutnu dabmettem amu, na anamib he!” awa aum.

1 Stori 17:2 ပူးပေါင်းရင်းမြစ်များ

2 Samuel 7:3

Dawit nug anam a amu, Natan nug oɗeppa awa aum. “Yawe Nug na ele daattep amunu, na aɗi hekkutnu dabmettem amu, na anamib he!” awa aum.

1 King 8:17

Aakku da mamel Dawit nug gumak uɗat amu haaha, nug mettid lag laa, Yawe, Israel dilag Kayak, Nug onig amuppa daakkunu helonu dabmeum.

1 Stori 17:1

Amu anam daye ukke, Dawit nug lag enanagnab nuhig babaitta mala, appa ta dayaya, nug propet Natan amegppa aum. “Antte! Da lag enanagnab ad sidappa hak, da imuppa daattem, amge Yawenu Tituanak Nainu Kunup kontrak inak ele am peh lagppa daatte,” awa aum.

1 Stori 17:3

Natan nug Dawit amegppa anam aum, amge tuqan amuppa Kayak Nug nuhig nai imu Natan mettom.

1 Stori 22:7

Amu Dawit nug Solomon amegppa aum. “O bekkal, da Yawe, dahil Kayak, da Nug laug, Nug onig amuppa daakkunu hekkulnu dabmein, ool okkai dayom.

1 Stori 28:2

Nug ag onilagppa e uɗin, qagmen daaegeg, King Dawit nug hibaitta dayaya, nug ag amelagppa aum. “O lailad, dahilad danab, ag dahil nai doyeg! Da oolppa lag laa, Yawenu Tituanak Nainu Kunup kontrak inak ele aguppa daakkunu, Yawe, ihinig Kayak, Nug ele aguppa daakkunu buukkulnu ool okkainab dayom. Da lag amu hekkulnu dottog hein, keeke ele qagmemi.

Sam 20:4

Ig na oot unuqagppa aɗi keekenu oot hette amu, Yawe Nug na medakkunu oonig hette. Ao, Nug na ehanitteb, keeke oh na hekkutnu maittak aottem amu, keeke amu oh ena bekkunu oonig daatte.

Sekaraia 8:23

Amu Yawe Nukka Ɠagattag Oh Ele Nug atte. “Haen amuppa amu, wanppan wan ohppanu, nailag ohppanu ele danab eblaih tanig ele ag ahan, Juda danab laippunu lamen elab daug koitak ele aɗan, ag akkulag. Kayak Nug ag ele daatteb doomut amunu, ig na ele daagnignu oɗ medattem. Ag anam akkulag.” Yawe Nug anam atte.

Luk 1:28

Gabriel nug Maria gumitta noa, humitta aum. “O ah makkun, na maɗoɗ ele daye! Naɗi Nug na itittom. Nahip itittak ena am ah laa oh dilag itittak ena eɗidtte. Nug na ele daattep,” awa aum.

1 Korint 13:9

Gemu ig keeke laippu laippu doottem, ⌊am qa oppiaawak iitta,⌋ amu propet nai ele am laib laib aakkuib doot mehuqttem, ⌊amu ele qa oppiaawak iitta⌋,

Josua 9:14

Gibeon danab ag anam aeg, Israel dilag ikki danab ag danab amu dilag bret italppig, amge ag amunu Yawe ii unuqidna, oɗ ele ii medappig.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.