1 Stori 13:3 - Nobonob Baibel

³ Ig apput, ag uɗippeg, ig gota, ihinig Kayaknu Tituanak Nainu Kunup aot uɗignig. Aɗinu? Saul king dayeye, haen amuppa amu, ig Israel, ig Kayaknu Tituanak Nainu Kunupnu ii dabmeut, hamu dayom,” awa aum.

1 Stori 13:3 ပူးပေါင်းရင်းမြစ်များ

1 Stori 13:2

Dawit nug anam onilagppa e uɗieg, nug ag oh amelagppa aum. “Ag oolag heeb, Yawe, ihinig Kayak, Nug ele oo daatte dayeb, ig nai mepput, Israel wan ohppa ukkeb, Israel laa oh ag uɗippeg, ig ele daagnig. Laa uɗiglag am ig ele tiinig laippu, ag Israel wan laih laih daatteb. Ag amu, aria Lewi buɗubppan mana mettak danab, Lewi buɗubppan mana mettak danab iitta ele, ag appa Israel danab ah oolagppa, ahilag aabppa, ahilag gikkiɗah dad okkaippa ele daatteb amu, ag ele oh uɗiglag.

1 Stori 13:4

Amu Dawit nug danab amu amelagppa anam a, kobol amuam kobol tutukku dooppig amunu, ag oh amu haknu oolag laippu dayom.

1 Stori 15:13

Ig tatam Tituanak Nainu Kunup amu aognignu gomut, haen amuppa ig attemnab maot uɗignignu Kayak oɗ ii mettata, ib laappa aot uɗignignu heta, ag Lewi buɗub ag gona, maon ii uɗippig amunu, Yawe, ihinig Kayak, Nug ihinignu oo nauhe, bu mekkom,” awa aum.

Sam 132:6

Antte! Ig Eprata appa daatta amu, ig Tituanak Nainu Kunupnu nai laa doomut. Ao, ig doota, ig mattit gota, Kiriat Jearim guguittak appa anidmut.

1 Samuel 14:18

Amu haen amuppa Kayaknu Tituanak Nainu Kunup Gibea appa, Israel dilag ban danab daappigppa dayom amunu, Saul nug Ahaiya, nug am mana mettak danab, nug nug amegppa aum. “Na Kayaknu Tituanak Nainu Kunup aon uɗie!” awa aum.

1 Samuel 14:36

Ag anam heeg ukke, Saul nug aum. “Ig ahat banelag gota, tuqanppa ig Pilistia danab aqadtata, ahilag keeke aopput ukkeb, wagkkaɗkku. Ig aqapput, laa ii daama,” awa aum. Nug anam a, daup ag, “Na aɗi dabmettem amu, na anam hekkut, aakkuib,” aon appig. Ag anam appig, amge mana mettak danab nug aum. “Tatam ig Kayak amunu oɗ mettagnig,” awa aum.

1 Samuel 22:10

Nug ukka, Ahimelek gumitta te, Ahimelek nug Dawit nug keeke aɗi hekkunu amu, nug amunu Yawe oɗ mettom. Nug anam oɗ mettowa, dimppa nug Dawit ee metta, nug Pilistia ted Goliat, nug nuhig qep elab ele mettom,” awa aum.

1 Samuel 22:15

Anukka deɗ laala da Dawit geha aɗi hekkunu, da Kayak oɗ medattami ⌊amu haen amu ohppa na dahilnu oot ii nauhom⌋. Dawit keeke eheɗ laala heum amu, da, nahip maɗi nid, da amunu nai nakok laa ii doomi amunu, na, nahip maɗi nid da, na dahilnu, ‘Nug eheɗ heum,’ aib ame. O na da mamel baekkudppa oolagppanu laa nug eheɗ heumnu ele aib ame,” awa aum.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.