1 Stori 13:2 - Nobonob Baibel

² Dawit nug anam onilagppa e uɗieg, nug ag oh amelagppa aum. “Ag oolag heeb, Yawe, ihinig Kayak, Nug ele oo daatte dayeb, ig nai mepput, Israel wan ohppa ukkeb, Israel laa oh ag uɗippeg, ig ele daagnig. Laa uɗiglag am ig ele tiinig laippu, ag Israel wan laih laih daatteb. Ag amu, aria Lewi buɗubppan mana mettak danab, Lewi buɗubppan mana mettak danab iitta ele, ag appa Israel danab ah oolagppa, ahilag aabppa, ahilag gikkiɗah dad okkaippa ele daatteb amu, ag ele oh uɗiglag.

1 Stori 13:2 ပူးပေါင်းရင်းမြစ်များ

1 King 12:7

Aria, nug anam oɗ matte amu, ag nug amegppa inam appig. “Amu na danab ah amu dilag maɗi nid bia daanna, ag dabmattanna ehanadkkut, na nai ena ag amelagppa akkut amu, ag geha nahipad maɗi nid daanna, na waatppa hanhan daaglag,” aon appig.

1 Stori 10:7

Saul nug, amu laala ele ag anam mauheg, Israel danab ah oolnu noak onig Jesril, appa daatteb, ag Israel ban danab oolna ukkaeg anattona, ag Saul, nug bekkod ele mauhppignu nai ele doyona, ag ahilkad aab uun, oolna goppig. Ag oolna ukkaeg, Pilistia danab ah ag uɗin, aab amuppa daappig.

1 Stori 13:1

Amu dimppa Dawit nug nuhikkud ban daup 1,000 dilag ikkilkad, laa ag ban daup 100 dilag ikkilkad ele, nug ag onilagppa e uɗieg, nug ele nai madippig.

1 Stori 13:3

Ig apput, ag uɗippeg, ig gota, ihinig Kayaknu Tituanak Nainu Kunup aot uɗignig. Aɗinu? Saul king dayeye, haen amuppa amu, ig Israel, ig Kayaknu Tituanak Nainu Kunupnu ii dabmeut, hamu dayom,” awa aum.

Eksodas 18:23

Am keeke oh da na hekkutnu amenppa ami amu, Kayak Nug na anam hekkutnunab oo dayeb, na amenppa ab, na da nai ami amu dim lamidkkut amu, aria geha uɗat amuppa na beɗun bahi iinab yaama. Amu na amu doyak danab laala ele, ag danab ah ele dilag eheɗ hak, amu nai ele anam elele bappaidppeg, danab ah ag oolag maɗoɗ ele daanna, ag eɗun lakka ukkadkkulag.” Jetro nug Moses amegppa anam awa aum.

Prowerb 15:22

Laa nug keeke laa hekkunu maittak awa, ulum nai ena ii aokku dayeb, nug keeke hekku am elele ii bekku; amge nug ulum nai ena ulum mettak danab kuɗum dilagppa aokku dayeb amu, nug aɗi hekku am elele bekku.

Aisaia 37:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”

1 Samuel 31:1

Amu Pilistia ban danab ag Israel ban danab ele ban hena, Israel ag oolna goppig. Pilistia ban danab ag qauko Gilboa appa Israel ban danab kuɗum aqaeg mauhppig.