1 Stori 13:1 - Nobonob Baibel

¹ Amu dimppa Dawit nug nuhikkud ban daup 1,000 dilag ikkilkad, laa ag ban daup 100 dilag ikkilkad ele, nug ag onilagppa e uɗieg, nug ele nai madippig.

1 Stori 13:1 ပူးပေါင်းရင်းမြစ်များ

2 Samuel 6:1

Aria, dimppa Dawit nug baula Israel dilag daup enanag 30,000 onilagppa e uɗieg,

2 King 23:1

Aria, King Josaia nug Juda dilag ikki danab oh, laa Jerusalemnu, laa Juda wanppa laih laihnu amu, nug ag onilagppa e uɗin qagmeppig.

1 Stori 12:14

Danab amu oh ag am Gad danab. Ag ban danab dilag okkai daappig. Danab amu oolagppa aun nug ɠagattagnab dayom amu, nug ban danab 1,000 gumattom. Aun nug okkai, amge okkai anambia iitta amu, nug ban danab 100 gumattom.

1 Stori 12:20

Amu haen Dawit aɗi ag eɗun, Siklak goppig amu, Manase danab amu ag nug ele oh goppig. Danab anam heppig ele am Atna, Josabat, Jediael, Maikel, Josabat, Elihu, Siletai ele. Ag oh am Manase oolagppanu huu 1,000 anen anen dilag ikki danab daappig.

1 Stori 12:32

Isakar buɗubppanu am danab okkai 200. Ag Israel danab aɗi aɗi hekkulagnu, haen adekku ag hekkulag am ele dooppig. Danab 200 amu, laa ag ele tiilag laippu ele, ag ag waalagppa daappig amu, ag oh uɗippig.

1 Stori 12:40

Am danab Hebron uɗippig ele ag ee lakkulagnu, Israel danab laa miag daappig, laa umanu, Isakar, Seblon, Naptali batak daappig, ag appan ee aon uɗippig. Ee amu ag donki, kamel, miul, makau okkai ebehi ele ele qaɗelagppa mena, aon uɗieg, ee okkai dayom. Ag plaua, ad fig meu qaɗaiettak batappatak, grep meu qaɗaiettak batappatak, wain, goɗen, makau, sipsip ele kuɗumnab aon uɗippig amunu, ee okkai dayom. Aɗinu? Israel danab ah ag gamag ahak okkai dooppig.

1 Stori 13:2

Dawit nug anam onilagppa e uɗieg, nug ag oh amelagppa aum. “Ag oolag heeb, Yawe, ihinig Kayak, Nug ele oo daatte dayeb, ig nai mepput, Israel wan ohppa ukkeb, Israel laa oh ag uɗippeg, ig ele daagnig. Laa uɗiglag am ig ele tiinig laippu, ag Israel wan laih laih daatteb. Ag amu, aria Lewi buɗubppan mana mettak danab, Lewi buɗubppan mana mettak danab iitta ele, ag appa Israel danab ah oolagppa, ahilag aabppa, ahilag gikkiɗah dad okkaippa ele daatteb amu, ag ele oh uɗiglag.

2 Stori 1:2

Amu Solomon nug Israel dilag ban daup 1,000 dilag ikkilkad, ban daup 100 dilag ikkilkad, epeɗiak danab, Israel dilag ikki danab laa, amu Israelnu baelkadppan ikki danab ele, ⌊danab amu ag Israel oolagppanu Israel danab oh oulag daappig amu,⌋ nug ag oh onilagppa e uɗieg, nug ag amelagppa a,

2 Stori 29:20

Lewi buɗub, ag King Hesekaia amegppa anam aeg, deɗ amu uue, wagɗe buttuanab Hesekaia nug Jerusalemnu danab okkai onilagppa e doeg, ag oh Yawenu mettid lakka teppig.

Prowerb 15:22

Laa nug keeke laa hekkunu maittak awa, ulum nai ena ii aokku dayeb, nug keeke hekku am elele ii bekku; amge nug ulum nai ena ulum mettak danab kuɗum dilagppa aokku dayeb amu, nug aɗi hekku am elele bekku.

Matyu 25:16

Nug ukke, laa nug talent tanig ele awom amu, nug pahanab awa ukka, men doɗoppa uɗat haaha, talent tanig ele baula awom.