1 Samuel 9:9 - Nobonob Baibel

^9-11 Amu Saul nug aum. “Am ena! I goɗu!” awa aum. Nug aum amunu, aa goya, aa aab laa amu, Kayaknu danab appa dayom, aab amuam qauko nakok igippa dayom amu, aa aab amuppa tekkulahnu qauko nakok teyaya, aa ah makkun laala ag le itaglagnu uɗippig, aa ag uɗalag tepiɗ. Aa uɗalag teya, aa oɗ madapiɗ. “Keekenu doyak danab nug aabppa, appa ana daattete?” aoya apiɗ. Anukka, Israel wanppa amu danab ah ag propet dilagnu, “Keekenu doyak danab,” adappig; gemu danab amunu am propet atteb. Amunu anukka, haen ag propet anidna, keekenu oɗ mettaglagnu heppig amu, ag, “Ahappeg, ig keekenu doyak danab toppa gokkunig,” adappig.

1 Samuel 9:9 ပူးပေါင်းရင်းမြစ်များ

Genesis 25:22

Nug ooppa nid aɗit daayya, aa nug ehalpiɗ. Aa anam heeheh amu, Rebeka nug aum. “Aa anam hettep amunu, da ool iitta daalom, amuam ena,” awa aum. Anam ana amu, nug keeke amunu Yawe oɗ medakkunu ukkom.

2 Samuel 24:11

Dawit nug anam Yawe amegppa a, deɗ amu uue, wagɗe, Dawit nug ii ahom haenppa Yawe Nug nai laa nuhig propet danab Gad, Gad am Dawitnu propet amu, Nug nug amegppa nai laa inam aum.

2 King 17:13

Yawe Nug Juda, Israel ele, ag nau aomnanu nai, nuhikkud propet oh oɗelagppa mattom. Nug ag oɗelagppa, Juda, Israel ele dilagppa inam aum. “Ag oolag eɗueb, ahilag kobol nau am uueg! Ag dahil haknunab nai, am ɗo nai ele, da ag mamelkad aɗi dim lamidkkulagnunab mattoya, dahilad maɗi nid, propet, da ag oɗelagppa ele ag amelagppa mehuqmi amu, ag amu dim lamitteg!” awa aum.

1 Stori 21:9

Dawit nug anam unuqitte, Yawe Nug Dawitnu propet danab Gad amegppa aum.

1 Stori 26:28

Aria, propet Samuel, Kis bekka Saul, Ner bekka Apner, Seruia bekka Joap ele, ag ele keeke Kayaknu tituanna medappig amu, Selomit, nug ele tiilag laippu, ag keeke amu oh ele gumappig.

1 Stori 29:29

Amu Dawit nug digma king daye ukke, nug mauhom batak nug aɗi aɗi heum, nuhigppa aɗi aɗi beum amu, kaya amu oh am propet danab Samuel nug buk laappa yom. Propet danab Natan nug ele buk laappa yom, amu propet Gad nug ele bukppa yom.

1 Stori 9:22

Juda ag Babilonnu eɗun uɗippig haenppa amu, ag danab 212 od gumak uɗat hekkulagnu tituanadppig. Ag onilag ag bukppa yaappig daatteb amu, ag aab anen anen onilag waappa, danab amu onilag yaappig. Anukkanab Dawit, propet Samuel ele aa danab amu memetalkad, ag am danab laa ag ahilagnu genab elele doyaknu elele dooya, a ag od gumak danab daaglagnu tituanadppig.

2 Stori 16:10

Propet danab nug anam a, Asa doya, nug nuhignu oo nauhom. Nug oo huana nauhom amunu, nug Hanani maniguittakppa me dayom. Amu haen amuppa Asa nug eheɗ laa ele ha, nug Juda danab laala, ag nug waappa gai-iitta daappig amu, nug ag eheɗ hattom.

2 Stori 16:7

Amu haen amuppa propet danab Hanani nug Juda dilag king Asa gumitta ta, nug amegppa aum. “Na Yawe, nahip Kayak, na Nug ehanidkkunu ii dabmeme. Iitta. Na Aram ag na ehanidkkulagnu dabmeme. ⌊Aram ag nahipad kekeɗ,⌋ na ahilagppa ehanittak awaknu ii helom, na ag eɗadppe, ag na eppenppa daalob.

Aisaia 29:10

Aɗinu? ⌊Ag doonna, Yawe oɗe ii dim lamidtteb amunu,⌋ Yawe Nug he, ag niin gad metteb. Nug he, ag propet danab ag amelag gaɗuom. Ao, Nug he, ag propet danab, ag amelag hautak daatteb.

Aisaia 30:10

Ag Yawenu propet amelagppa, “Ag baula Yawenu nai tuleglegppa aib anidppig,” atteb. Ao, ag propet danab amelagppa, “Ag baula Yawenu nai genab tutukku ele tuleglegppa aib anidna, ig amenigppa madippig,” anam maditteb. Ag mattina, ag tuɗidna Yawenu propet amelagppa atteb “Ag Yawe oɗe aon, nuhig nai uug ele aib madippig. Ag keeke ena, keeke ig oonig hette ele, ag amu mattieg!

Amos 7:12

Amasaia nug nai amu me ukke, nug Amos amegppa inam aum. “Propet, na ahe! Na eɗun gona, Juda wanppa appa propet nai madippe, ag na amunu nob daden metteg!

1 Korint 12:17

Beɗu oh am amegib daalo amu, nug nai attem doolo? O iitta beɗu oh am daugib daalo amu, nug attem uɗig doolo.

Ikki Danab 1:1

Josua mauhe dimppa amu, Israel danab ah ag Yawe oɗ mettan appig. “Israel dilag huu okkai atten am tatam banelag ukkeb, Kanan danab ele ban hekkulag?” aon oɗ meppig.

Ikki Danab 18:5

Nug anam amelagppa mattie, ag nug amegppa appig. “Na Kayak oɗ medappe, ihinig oiyak imuam meu ena okkutai, o iittatai ab doon, na ig appe doognignu oɗ medattem,” aon appig.