1 Samuel 9:7 - Nobonob Baibel

⁷ Maɗi nid nug anam a, Saul nob ma aum. “Amge i nug gumidɗa gokkunih dayeb amu, i aɗi keeke nakok Kayaknu danab amu mettagnih? Aɗinu? Ee ihinih battamppanu oh iitta meum. I keeke laa nug mettagnihnu am iitta. I aɗi keeke mettagnih?” awa aum.

1 Samuel 9:7 ပူးပေါင်းရင်းမြစ်များ

1 King 13:7

King nug eppeg ena daye, nug Kayaknu propet amegppa aum. “Na da laulppa uɗippe, da ele ee lawoɗa, da keeke laa nahip daakkunu hamu na medakkul,” awa aum.

1 King 14:3

Na bret eblaih laih ele aon, am bret batappatak laala ele aon, uppuh leppu botol laippu ele aon gona mettona, na ihinih nid, nuhig oɗe imunu oɗ mette! Oɗ medappe, geha nug nid imunu attem bekku amu, nug na amenppa akku,” awa aum.

2 King 4:42

Dimppa haen laappa, danab laa Balsalisa appanu Kayaknu danab Elisa gumitta uɗiom. Nug bali bret 20, bali tatam oɗuomppanu hak amu, nug amu Elisanu awa uɗiom. Amu awa uɗia, nug ee aeg bau awak ele bek laippuppa inak, nug amu ele awa uɗia mettom. Awa uɗia mette, aria Elisa nug nuhig maɗi nid amegppa aum. “Ee amu aon, propet danab umu madappe lakkulag,” awa aum.

2 King 5:15

Anam beum, amu dimppa Naman nug nuhikkud huu ele ag eɗun, Kayaknu danab Elisa, nug gumidna gona, Naman nug Elisa noobppa hibaitta dayaya, nug inam amegppa aum. “Antte, genabnab genab, gemu da doottem, wan ohppa amu Kayak laa ii daatte. Iitta. Israel dilag Kayak Nugib Kayak daatte. Amunu gemu da, nahip maɗi nid, da keeke nahip daakkunu hamu na medakkulnu ool daye, medakkulnu oɗ medattem,” awa aum.

2 King 5:5

Nug king amegppa a, aria king nug inam Naman amegppa aum. “Na gokkut am enanag. Da geha Israel dilag kingnu uɗug laa ye medappi, na uɗug amu aon gona medakkut,” awa aum. King nug anam anana, uɗug amu ya, Naman mette, aakku Naman nug aha, 340 kilogram silwa awa, 70 kilogram gol awa, nug lamen 10 ele awa aha, Samaria ukkom.

2 King 8:8

Aria, king nug nuhig ban daup ikki laa Hasael, nug amegppa aum. “Na keeke nuhig daakkunu hamu mettak laa aon, aɗan gona, Kayaknu danab Elisa anidna, nug da dahil oɗe imu iitta meeb, ena daakkulte o iittate amu, nug Yawe oɗ metteb, ab doyeb, ab dookkulnu oɗ mette!” awa aum.

2 King 8:9

Aakku Hasael nug Damaskusnu keeke ena ena digdig, Elisanu daakkunu hamu medakkunu awom. Keeke amu kamel 40 maoglagnu elele; nug keeke amu kamelppa ma awa, Elisa toppa ukkom. Ukka ta, nug Elisa amegppa inam aum. “Aram dilag king Benhadat, maɗi nid nahip, nug he, da na gumitte, nuhig oɗmak medakkulnu uɗimi. Oɗmak nuhig am, ‘Da dahil oɗe imu iitta meeb, ena daakkulte?’ Da amu na oɗ medakkulnu uɗimi,” awa aum.

Esekiel 13:19

Ag ah ag uɗat nau ahilag hekkulagnu aeg, danab ag bali aeg nakokib mattan, bret huppu laib laib ele mattaeg hetteb. Ag ah eheɗ hetteb ele ag keeke nakok amuppaib ag heeg, da onil oppiaawak ele dahilad danab ah laa dilag neekkakppa hamu bia daatte. Dahilad danab ag nai hambuppuak dooglagnu uug ii doon aotteb amunu, ag ah eheɗ amu hetteb ele, ag nai hambuppuak anam aegeg, danab mauhkkulagnu ii daappig ele ag mauhtteb; laa ag mauhkkulagnu elele amu, ag ii mauhtteb,’ ” awa atte.

Ikki Danab 6:18

Na laih ii gomananu oɗ medattem. Na daappe, da ukken, keeke babaitten, eɗuen uɗien, ofa dahil nahipnu medappi, na gokkutnu oɗ medattem,” awa aum. Gideon anam a amu, Yawe Nug aum. “Da inam daappi, na eɗun uɗikkut,” awa aum.