1 Samuel 9:6 - Nobonob Baibel

⁶ Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.

1 Samuel 9:6 ပူးပေါင်းရင်းမြစ်များ

Genesis 24:42

Aria, gemu haen da le moɗppa uɗien dayeye amu, da Yawe unuqidmi. ‘O Yawe, danab okkai dahil Abrahamnu Kayak, na ehaniɗppe, oiyak imu da aakku hemi ele amu, nuhig meu pehettak bekkunu oɗ medattem.

2 Samuel 15:27

Dawit nug anam anan, nug nai tuɗitta mana mettak danab Sadok amegppa inam ele aum. “Na propet danab daattem amunu, na eɗun, aab okkaippa maɗoɗ ele gokkut. Na, na bekkat Ahimas, aria, Abiatar am nug bekka Jonatan ele, ag oh eɗun ukkeg!

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

2 King 5:8

Nug anam a, aria haen Elisa, Kayaknu danab, nug Israel dilag king nug oo uug daye, nuhig lamen elab pattiɗom, nug nai amu doya, nug nai inam king dookkunu me ukke amegppa aum. “Aɗinu na ootppa uug doon, nahip lamen elab pattiɗme? Appe, danab amu da gumiɗa uɗieb, ⌊Kayak heeb,⌋ nug propet laa Israel wanppa daatte, nug amu dookku,” awa aum.

2 King 6:6

Nug anam e, aakku Kayaknu danab Elisa, nug inam oɗ mettom. “Aben adekkuppa hebeb aeg hiɗa, le ooppa noum?” awa oɗ mettom. Anam oɗ mette, propet nug hebeb aeg hiɗa leppa noum aben amu ippunitte, aria Elisa nug ad eppeg nakok laa okkula, buɗie leppa hebeb aeg noumppa no, hebeb aeg le ooppa niiom amu ba, le gaɗappa maya meum.

Sam 25:12

Am danab ah ag Yawenu ebehilag oh bodoetta le mette ele, Nug geha ag ib attenppa oiglagoitte amu, Nug ib amu ippunadkku.

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Matyu 24:35

Hab wan ele am iitta mekkulah, amge nai dahil am iitta iinab mema.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.

1 Tesalonaika 5:13

Ahilag uɗat, diig amunu amu ag ahilagnu oolagppa ena doonna, ahilagnu oo mauhak ele doon autna aweg! Ag akka akka lailkad ele maɗoɗppaib daanna oiyeg!

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

1 Samuel 2:27

Aria, deɗ laa Kayaknu danab laa nug Eli toppa ta, nug Eli amegppa Kayaknu nai mattia, inam aum. “Yawe Nug inam atte. ‘Haen na alanad aɗi ag Paro waappa, Isip wanppa daaegeg, da miagib ahilagppa tule bemi.

1 Samuel 9:8

Saul nug anam a amu, maɗi nid nug aum. “Antte! Da 3 gram silwa ele iikku. Kayaknu danab amu nug ib atten dim lamidkkunihnu ab doognihnu amu, da nug medakkul,” awa aum.