1 Samuel 9:21 - Nobonob Baibel

²¹ Samuel nug Saul amegppa anam a, Saul nug aum. “Amge da am Benyamin ted. Ig Benyamin buɗub amu, ig kuɗum iitta; Israel buɗub laa oh ag eɗigtteb. Laa ele amu, Benyamin ooppa dahil aab ikki am onig iitta; laa oh ig eɗigtteb. Aɗinu na dahilnu anam attem?” awa aum.

1 Samuel 9:21 ပူးပေါင်းရင်းမြစ်များ

Sam 68:27

Antte, Israel dilag huu okkai Benyamin danab ah amu, ahilag ebqak huanak iitta, amge ag anuqna gotteb. Ag ukkaegeg, Juda ooppan gumak danab kuɗumnab, amu Seblon, Naptali oolahppan gumak danab kuɗumnab ele, ag ag dimulagppa daatteb.

Sam 68:28

O Kayak, na heppe, nahip ɠagattag miag daakkunu oɗ medattem. Ao, O Kayak, na matu nahip ɠagattag miagib ippunigme amu, na baula anam ippunigkkutnu unuqidttem.

Hosea 13:1

Anukka, Israel dilag huu okkai laa, ag Israel dilag huu okkai Epraim dilagnu baɗan hahaɗppig. Ag Epraim dilagnu, “Ag binalag ele,” dooppig. Amge danab ah Epraimnu ag kayak hambuppuak Bal noobppa dup nona binag mena, hipunin heppig amunu, ag nauhppig daatteb.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

1 Samuel 10:27

Amge hib guitta danab laa ag appig. “Saul nug attem heeb, ig ehanittak aognig? Nug elele iitta!” aon appig. Ag Saulnu ena iinab dooppig amunu, ag amu mattinna, ag ɗo ii medappig. Ag anam heppig, amge Saul nug ag amelagppa nai laa ii mattiom.

1 Samuel 14:51

Saul mameg Kis, amu Apner mameg Ner, aa oh am danab onig Abiel bekoɗ.

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.

1 Samuel 18:18

Saul nug anam a amu, Dawit nug nai nob inam meum. “Da am danab onil iitta. Mamanu aab ikki ele Israel ooppa onig iitta. Na am danab okkai, na am king amunu da, da na aɗen aokkulnu am elele ii doottem,” awa aum.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.

1 Samuel 9:22

Nug anam a, ag oh mana mettak abenppa tena, Samuel nug Saul, nuhig maɗi nid ele omalata, lag ooppa ukka, danab onilagppa eeg daappig ele, ag oolagppa aben laa onig okkai ele amu, nug aguppa daaglahnu he daapiɗ. Danab amuppa daappig, ahilag ebqak am 30 anam.