1 Samuel 9:20 - Nobonob Baibel

²⁰ Amu donki ag qettoɗeg, uɗin deɗ ewam mattiadme ele amu, na ahilagnu dabmak aib nittom. Aɗinu? Laa ag anadna diippig. Amge Israel danab ah oh amu, ag na, amu na mamen, nug baekkudppa ele, ahilagnu dabmenan daatteb,” awa aum.

1 Samuel 9:20 ပူးပေါင်းရင်းမြစ်များ

1 Stori 29:3

Amge da amu aakkuib Kayak ii medapa. Iitta. Ig Kayak, Nug dahil Kayak, ig nuhig mettid lag hekkunignu ool huanaknab daatte amunu, da dahilnab gol, silwa laa ele danab uɗat amu hekkulag, ag amuppa Kayaknu mettid lag nuhignu tituanak daakku, ag lag amu hekkulagnu Kayak medattem.

Sam 62:10

Na keeke lokkumakppa awaknu duttuna hak kobolppanu, “Da anam hekkulnu elele daattem amunu, amuppa da keeke ena kuɗum aokkulnu elele,” aib ootppa genab doon dabmeme. Ao, na dabmak hambuppuak aib aonna, yabhokppa keeke aokkutnu maittak aonna heme. Na ⌊ib enappa⌋ en kuɗum aokkuttai, amge na keeke amunu, “Anuqak keeke,” aib dabmeme.

Kolosi 3:2

Ag hanhan keeke attan amunuib dabmak aweg! Wanppanu keeke amu, ag amunu dabmak aib aoppig.

1 Samuel 10:16

Nug Saul oɗ mette, Saul nug aum. “Nug laa ag donki eɗun anadppig a doomuɗ,” awa aum. Saul anam aum, amge nug king ba daakkunu, Samuel amunu aum amu, nug nai amu, nug mameg nakok amegppa nakok laa ii aum.

1 Samuel 12:13

Ag king gumadkkunu ippu tituanppig amunu, king ag tituanppig am iikku daatte. Ag nug king daakkunu Yawe oɗ mettaeg, Nug iikku mattom.

1 Samuel 12:15

Amge ag Yawenu nai doon ii dim lamidkkulag dayeb, ag nuhig haknunab anak tabappeg nekku dayeb amu, Nug ag mamelkad aɗi dilagppa heum bia, Nug ag eheɗ hadakku.

1 Samuel 4:20

nug nid amu uug ele awawa, nug mauhkkunu heehe, ah laa ag nug nid aokkunu ehanidkkulagnu daappig ele amu, ag nug amegppa appig. “Na aib baɗame. Aɗinu? Na nid danab aakku aome,” aon appig. Ag anam appig, amge Pinias wau nug nob ii maama, nug ahilag nai ele dab-ii-mettom. Nug hamu doyom.

1 Samuel 8:19

Samuel nug Yawe oɗe awa, Israel amelagppa mattiom, amge ag amu ii dabmena, ag Samuel amegppa appig. “Anam bekkutai, amge ig king laa waappa daagnignu oonig hette. Ig dabmak amu ii uumta.

1 Samuel 8:5

Ag gona appig. “Na am kaino meme. Na begapaɗ amu, aa nahip hak ena ii dim lamidttep amunu, ig wan laappan danab king ele bia, ig king ele daagnignu na danab laa, nug ihinig king dayaya, ig gumigkkunu tituane!” aon appig.

1 Samuel 9:19

Saul a amu, Samuel nug aum. “Keekenu doyak danab am daib. Gemu aa da ele ee lakkunig amunu, aa anuqya goya, aabnu mettid lag nakokppa teiɗ! Butti buttua da keeke oh na dookkutnu oot daatte amu, da appi dooppe, da aa paɗalatppi gokkulah.

1 Samuel 9:3

Amu Kisnu donki ag oolna gona, laih adebtag daappig amunu, Kis nug Saul amegppa aum. “Na ahan, maɗi nid laa ele appe goya, donki dahil mattialatteɗ!” awa aum.