1 Samuel 9:16 - Nobonob Baibel

¹⁶ “Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.

1 Samuel 9:16 ပူးပေါင်းရင်းမြစ်များ

2 Samuel 3:18

amunu, ag gemu anam aakkude heig! Aɗinu ag anam hekkulag? Yawe Nug inam aum. ‘Da heppi, dahil maɗi nid Dawit nug dahilad danab ah Pilistia danab eppelagppanu, ahilag kekeɗ laa oh ele eppelagppanu eɗua diiattebeb, ag ena daaglag,’ awa aum.” Apner ag amelagppa anam aum.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Sam 102:1

O Yawe, na dahil unuqittak dookkutnu oɗ medattem! Da nahipnu ebippi dookkutnu unuqidttem!

Sam 106:44

Ag nauhna daappig, amge ag uug nau doon daanna, haen amuppa ag Nug unuqitteg, haen amuppa ele, Yawe Nug ahilagnu dabmeum.

Sam 25:18

Keeke oh da uug digdig meɗatteb amu, na keeke amu oh dabmena, heppe iitta mekkunu, na hipunin dahil oh ele uhuqadna meɗakkutnu oɗ medattem.

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Jeremaia 32:8

Yawe Nug da amelppa Hanamelnu aum amu, anamnab da amal nakok Hanamel nug uɗia, da daup king gumappig laulagnu haɗap-ppa daamippa ba, nug da amelppa aum. “Dahil wan maha laa Benyamin wanppa, Anatot guguittak daatte amu, na ihinig ɗoppa wan amu laa eppegppa dayaknu qagaiettakppanu eɗua uhuqak hekkutnu daattem amunu, laa ag daden memananu, wan amu nahip daakkunu na daden me!” awa aum. Nug anam aum, da amu bekkunu tatam Yawe oɗeppa doomi amunu,

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 14:20

Anam ukke, Saul he, nuhikkud daup oh ag qagmeeg, Saul ag ele oh ban hekkulagnu goppig. Ag gona, Pilistia ag kaaka aqe, ag akka akka qep elabppa nug qena aqaegeg anidppig.

1 Samuel 14:23

Amunu deɗ amuppa Yawe Nug Israel ehanatta, Pilistia eppelagppanu diiom, amu Israel ag Pilistia lamadna gona, aab onig Betawen eɗidna goppig.

1 Samuel 15:1

Amu Samuel nug Saul amegppa aum. “Yawe he, da na Israel, ag am Yawenu danab ah amu, da na ahilag king daakkutnu goɗen gokkaɗakppa tituanidmi amunu, na Yawenu nai doye!

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 16:3

Na gona, amu hekkutnu hena, na Jesi nug ele mana mettak amuppa uɗikkunu oɗ medappe, nug uɗieb, mana mettak amuppa aɗi keeke na hekkutnu da ool daatte amu, da geha ippunidkkul. Da danab aun nug king daakku ippunidppi, na nug king daakkunu goɗen gokkaɗakppa tituankkut,” awa aum.