1 Samuel 9:12 - Nobonob Baibel

¹² Amu Saul, nuhig maɗi nid ele aa anam oɗ mattaeh, ag appig. “Ge, nug geha iikku anuqa aabppa teum. Gemu ippan danab amu, ag aabnu mettid lag nakokppa doɗ laa main, Kayak mettaglag amunu, nug gemu ig appanigppa uɗiom. Nug gemuib uɗiom amunu, aa anidkkulahnu paha teiɗ!

1 Samuel 9:12 ပူးပေါင်းရင်းမြစ်များ

Genesis 31:54

Jakop anam ha malowa, laih qauko qauko ele amuppa nug doɗ laa mana, Kayak mettowa, nug baekkudppa, amu Laban aɗi ele ee lakkulagnu onilagppa e uɗieg, ee lawona, ag aben amuppa niippig.

1 Stori 16:39

Danab amu ag Jerusalem appa Kayak uɗat hekkulagnu daappig, amge Dawit nug he, mana mettak danab Sadok, mana mettak danab laa ele ag Yawenu mettid haknu peh lag Gibeonnu, mettid haknu abenppa dayom amu, ag appa daappig.

1 Samuel 10:5

Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.

1 Samuel 16:2

Yawe Nug Samuel amegppa aum, amge Samuel nug eɗua aum. “Da ukken, amu heppi, Saul nug amu doya, nug da iweb mauhkkul.” Samuel nug anam a amu, Yawe Nug Samuel amegppa aum. “Na makau balat laa aon ele goppe, laa nug na oɗ metta, ‘Na aɗinu Betlehem uɗime?’ aab amu, aria na inam akkut, ‘Da Yawenu mana mettak laa hekkulnu uɗimi,’ akkut.

1 Samuel 2:35

Aa mauhkkulah, amge da heppi, danab laa, nug mana mettak uɗatnu oo metta ii uuak kobol dim lamitta, nug nuhig mana mettak uɗat da ool hette bia tutukku elele hekku amu, nug dahil mana mettak danab daakku. Nug dayebeb, da heppi, nug, nug buɗub ele ag mana mettak danab daaglagnu ɠagattag tuqa ii awak bia aɗaglag. Nug, nug buɗub ele ag king da eppelppa goɗen gokkaɗakppa tituanak aoglag ele, ag ag noolagppa dahil ɗo maɗoɗ uɗat hanhan hekkulag.

1 Samuel 20:6

Geha da anam heppi, na mamen nug hobul haenppa da ii daattemnu dabma, nug na oɗ metteb amu, na inam appe doyaɗ! ‘Maɗ ohppa haen inamppa Dawit baekkudppa ag oh doɗ main, Kayak medatteb amunu, nug appag diigppa Betlehem ukka, geha nug baekkudppa ele oh daanna, haen amu ag mana mettak amu main, Kayak mettaglagnu nug da oo unuqagppanu oɗ meɗe, da nug amegppa, “Na ena gokkut,” ami. Da anam ai, nug ukkom.’

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.