1 Samuel 8:9 - Nobonob Baibel

⁹ Amunu na ahilag nai doon, dim lamidna he! Na amu hekkut, amge na tatam ag nau aomnanu dabmettak nai mattanna, na king nug ahilag okkai dayaya, nug ahilagppa aɗi aɗi keeke hekku amu, na amu ele appe dooglag!” awa aum.

1 Samuel 8:9 ပူးပေါင်းရင်းမြစ်များ

Jeremaia 11:7

Aɗinu? Haen da ag, Israel, ag mamelkad aɗi Isipnu omalatti uɗippig, haen amuppa da digmein, nau aomnanu dabmettak nai haen kuɗum ag amelagppa matti uɗie, gemu batak. Da nau aomnanu dabmettak nai mattieye, da, “Ag da oɗel dim lamitteg!” ami.

Esekiel 3:18

Da ⌊na amenppa, na⌋ nau hak danab amegppa, ‘Na genab mauhkkut,’ ⌊akkutnu⌋ appi, na danab amu amegppa nug nau aomanu nai ii mattinna, na nug ii mauhmanu, nug bau daakkunu na nug eheɗ hak nuhig uua ii hemanu ii akkut amu, nau hak danab amu nug hipunin nuhignu mauhkku, amge da anidttem amu, nug mauhkku am na beɗunppa amunu, da na nob medakkul.

Esekiel 46:18

Israel dilag okkai nug dahilad danab ah dilag wan, ag aulag aakku, nug ag uug matta, lamatta, ahilag wan aib awom. Nug anam ii hema. Iitta. Nug wan nuhig daatte, nug wan amu awa, nug bekkod, ahilag aug daakkunu nug ag madakku. Ib amuppa Israel danab oh ag ag wanelagppanab daaglagnu elele. Laa nug nuhig wan iitta ele ii daama,” awa atte.

1 Samuel 10:25

Eeg amu, Samuel nug king dayaknu ɗo tutukku oh ag amelagppa awowa, nug nai amu oh bukppa ye dayeye, nug buk amu Yawenu mettid lag, amuppa me niiom. Nug amu ha malowa, nug he, danab ah oh ag eɗun, laulagppa goppig.

1 Samuel 12:1

Amu dimppa Samuel nug Israel danab ah oh amelagppa aum. “Ag da aɗi hekkulnu appig amu, da nai ahilag doye hein, da king laa ag gumadkkunu nug abenppa mei daatte.

1 Samuel 14:52

Amu haen Saul nug king dayeye, nug nuhikkud daup ele ag hanhan Pilistia ele ban eheɗ heppig amunu, haen adekkuppa Saul nug Israel danab laa, nug am danab ebehi ele, o nug am danab nug ooppa ɠagattag doyak ele amu, Saul nug danab amubia antta, nug danab amu nuhig daup daakkunu tituanom.

1 Samuel 2:13

Eli bekoɗ, a mana mettak danab amu, aa Yawenu anam doopiɗ amunu, aa inam hedapiɗ. Danab nug doɗ mana, Yawe medakkunu uɗia, nug mana mettak uɗat oh ha malowa, nug teppu laa dayom ele amu nug, nug baekkudppa ele ag amu lakkulagnu battieye, Eli bekoɗ aa heeh, maɗi nid ahilah laa nug huɗup aeg ewam ele aɗa ukka,

1 Samuel 8:8

Anukka, da Israel danab ah Isip wanppanu omalattitti, haen amuppa ag digmena, da dimeɗan, kayak hambuppuak noolagppa dup nona binag mak heppig, ag gemu ele anamib hetteb. Amu ag gemu amubia na dimedatteb.