1 Samuel 8:5 - Nobonob Baibel

⁵ Ag gona appig. “Na am kaino meme. Na begapaɗ amu, aa nahip hak ena ii dim lamidttep amunu, ig wan laappan danab king ele bia, ig king ele daagnignu na danab laa, nug ihinig king dayaya, ig gumigkkunu tituane!” aon appig.

1 Samuel 8:5 ပူးပေါင်းရင်းမြစ်များ

Namba 23:9

Da qauko laa imu, aria qauko laala guguittak daatteb ele, ag oh ikkilagppa men eleib, amu da qauko imu igippanab hibaitte daye, da Israel danab ah anadttem. Yo, da qauko imu, amu qauko laala guguittak daatteb ele, ag oh attannab, amu da qauko imuppa hibaitte dayeye, Israel danab ah anadttem. Da Israel danab ah anadttem, me ag am danab ah ameg laa; ag wanppanu danab ah oolagppa ii daatteb. Iitta. Ag amu, ag akkanab awaittak laih daatteb. Ao, ag am wanppan huu laa oh ele dilagnu, ‘Ig ag ele oh laippu daatteb,’ ag amu ii dabmetteb. ⌊Iitta. Ag Yawe dim lamidtteb.⌋

Aposel 13:21

Samuel dayeye, nuhig haenppa Israel ag king aoglagnu aeg, Kayak nug Kis bekka Saul awa me, ahilag king maɗ 40 dayom. Nug am Israel dilag huu okkai Benyaminnu danab.

Ikki Danab 8:22

Gideon nug keeke amu oh ha male, Israel danab ag amegppa appig. “Na ig ehanigna, Midian danab eppelagppan eɗun awigme amunu, na ihinig gumak danab daakkut! Na, na bekkat, na alan danab, ag oh geha ihinig gumitta danab daaglag,” aon appig.

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

1 Samuel 12:13

Ag king gumadkkunu ippu tituanppig amunu, king ag tituanppig am iikku daatte. Ag nug king daakkunu Yawe oɗ mettaeg, Nug iikku mattom.

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 12:2

Da nug king abenabppa mei daatte amunu, gemu nug ag gumattatta, ulum madakkunu daatte. Da kaino mei, ikkil uɗug umimi beum. Da bekkalad ag okkai mena, ag oolagppa daan oitteb. Da nid bau dayeye, da digmein, ulum mattaiyi uɗie, gemu batak.

1 Samuel 9:20

Amu donki ag qettoɗeg, uɗin deɗ ewam mattiadme ele amu, na ahilagnu dabmak aib nittom. Aɗinu? Laa ag anadna diippig. Amge Israel danab ah oh amu, ag na, amu na mamen, nug baekkudppa ele, ahilagnu dabmenan daatteb,” awa aum.