Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”
1 Samuel 7:8 - Nobonob Baibel8 ag Samuel amegppa appig. “Yawe, ihinig Kayak, Nug ehanikkeb, Pilistia ag ii iqamnanu, na Nug unuqidkkutnu aib uume; tuɗidna unuqitte!” aon appig. အခန်းကိုကြည့်ပါ။ |
1 Samuel 7:8
7 ပူးပေါင်းရင်းမြစ်များ
Da ⌊Yawe ag ehanatteb,⌋ Sion danab ah ag ena daaglagnu amu, da amunu dabmak anuqak awewe, da oɗel ii qamutpa. Yo, da ⌊Yawe ag ehanatteb,⌋ Jerusalem danab ah ag ena daaglagnu amu, da amunu dabmak anuqak awewe, da ii hik aopa. Da anam heppi ukkeb ukkeb, Sion danab ah ag genab tutukku hak kobol dim lamidppeppeg, genab tutukku hak kobol ahilag amuam amahlak okkai bia dayebeb, da batakkul. Yo, da anamib heppi ukkeb ukkeb, Yawe Nug Jerusalem danab ah ehanatteb, padal ii memana; hul huana ewewe danab miagib anidtteb amu, ehanitta, padal ii mak amuam miag atiaknab amubia ba dayebeb, da batakkul.
Propet amu ag genab Yawe oɗeppanu nai aoppig dayeb amu, ag Yawe Nukka Ɠagattag Oh Ele Nug heeb, Yawe laugppan keeke ena laala, daup ag akkan, Babilon wanppa ii goppig, gemu Yawe laugppa ippa ina daatte, daup ag eɗun uɗin, keeke amu, amu Juda dilag kingnu lag enanagnabppan keeke ena ele, amu Jerusalem ippanu keeke ena ele diin, Babilon ii gomananu Nug oo doyakppa unuqitteg!
Ag nug gumidna tena, nug amegppa appig. “Ig keeke laanu oɗ medapput, na ihinig oɗmak dookkutnu oɗ medattem. Na Yawe, nahip Kayak, na Nug unuqidppe, Nug ig Juda danab ah oɗo yaak daattem, Nug ig ehanikkeb, ig ena daagnignu oɗ medattem. Aɗinu? Ig Juda ig anukka kuɗumnab daamut, amge gemu na anidttem imu, ig laib laibib daattem.
ကြော်ငြာတွေ