1 Samuel 7:3 - Nobonob Baibel

³ Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.

1 Samuel 7:3 ပူးပေါင်းရင်းမြစ်များ

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

1 King 11:33

Da geha kobol imu Solomon, ⌊nuhikkudppan⌋ ele dilagppa hekkul. Aɗinu? Ag da uuiɗna dimeɗan, Saidon dilag kayak ah Astoret, Moap dilag kayak Kemos, amu Amon dilag kayak Molek ele noolagppa dup nona binalag meegeg uɗie, gemu ele hetteb. Am ib ena ag oiglagnu da tituanen mattami amu, ag uuna, am ɗo nai dahil oh ag ii dim lamidnana, ag kobol oh dahil neekkakppa ena daatte ele amu, ag ii heegeg uɗie, gemu ele ii hetteb. Ag Solomon mameg Dawit keeke amu oh dim lamittom bia ii heegeg uɗie, gemu ele ii hetteb.

1 King 8:48

ig kekeɗ, ag ig eɗigna aɗaikkeg, ag eppelagppa daattem ele amu, ig amu dilag wanppa appa anam daatta, ig oonig ohppa, meunig ohppa ele oonig genab eɗueb, ig neegpput, wan imu, na ig mamenkad aɗi mattame, am aab okkai imu, na nahip daakkunu tituanme, amu mettid lag imu, na onin amuppa daakkunu da buumi amu, ig keeke amu oh neegpput uɗieb, na unuqidpput,

2 King 17:39

Iitta. Ag da, Yawe, ahilag Kayak, ag da noolppaib dup nona binal mekkulag. Ag anam heppeg, aria geha da ag ehanadppi, kekeɗ ahilkad laippu laa ag ag ii eɗadmana,” awa aum.

2 King 23:15

Amu Josaia nug amu oh ha, nug ele Nebat bekka Jeroboam nug hipunin hatta he, Israel danab ah ag hipunin amu ele hadappig, nug anukka aab Betel appa mettid lag nakok, qaɗab laa ele qe daapiɗ amu, Josaia nug Betel appanu mettid lag nakok, qaɗab amu ele he nauhom. Nug amunu men he aoɗeg kalu ne, nug kayak hambuppuak Aserah dabmekkulagnu biidod, appa dayom ele, nug amu ele mane ewom.

1 Stori 22:19

Anam amunu, gemu ag Yawe, ahilag Kayak, ag meulag ohppa Nug anidna dim lamidkkulagnu Nug mattieg! Ag Yawenu Tituanak Nainu Kunup kontrak inak ele aon uɗin, Nug laugppa mekkulagnu, ag keeke laala Kayaknu tituanak daatteb, ag amu ele aon, Nug laugppa mekkulagnu amu, ag ahan, Yawe Kayaknu mettid lag digmeig! Ag lag hekkulag amu, lag amuam Yawenu, Nug onig aguppa daakku,” awa aum.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 19:3

Na nau amu heme, amge na ele he, Juda wanppa kayak hambuppuak Aserah dabmekkulagnu biidod ii daatte, na ele meut ohppa Kayak anidna dim lamidkkutnu Nug madittem amunu, Nug nahip ena hak laala amu ele anidtte,” awa aum.

2 Stori 20:33

Amge keeke laippu nug ii heum, nug aabaabppanu mettid lag nakok, nug amu ⌊oh⌋ ii loppaɗattom. Danab ah ele ag meulag ohppa Kayak, ag mamelkad aɗi dilag Kayak, ag meulag ohppa Nug dim lamidkkulagnu ii heppig.

Prowerb 16:1

Danab ah ag ahilag dabmakppa aɗi aɗi hekkulagnu maittak aotteb. Anam amge, Yawe Nug aɗi keeke bekku amu, Nug dabmaama he bette.

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 36:3

Na anam buk amuppa yaappe, Juda danab ah ag uug naunab digdig da heppi, ahilagppa bekkunu da maittak aomi doon, ag anen anen ag nau hak ahilag uuglagtai. Ag anam nau hak ahilag uuglag dayeb amu, da ahilag nau hak, ahilag hipunin ele uhuqen madakkul.” Yawe Nug Jeremaia amegppa anam aum.

Jeremaia 4:1

Amu Yawe Nug inam atte. “O Israel danab ah, ag eɗun, da waalppa daaglanu oolag daatte dayeb amu, ag eɗun, dahilppa uɗieg! Ag kayak hambuppuak dottolkad, da amunu oolppa uuaknab doottem amu, ag dottolkad amu agappeg goppeg, ag ib eheɗ amu tuɗidna ii gokkulagnu dayeb, ag kobol genab, ag nai doya mala hettoɗia epeɗia elele mettak kobol, amu genab tutukku hak kobol ele dim lamidnana, ag, ‘Yawe genab bau daatte, genab amubia,’ ag nai amuppa ahilag nai ɠagattag qedappeg, ⌊da ag itittak ena madappi, wan ohppa danab ah ag amu anidna, unuqiɗppeg,⌋ da ag itadppi, ag dahilppa gamag ahak doon, ag da binal meɗaglag,” awa atte.

Esekiel 14:6

Anam amunu, Esekiel, na Israel danab ah oh amelagppa dahil nai inam appe doyeg! Naɗi Yawe Nug inam atte. ‘Ag oolag eɗueg! Ag kayak hambuppuak dottolkad binalag mak uuna, ag kobol digdig laa, da kobol amunu oolppa uuaknab doottem amu, ag kobol amu oh dimattan, daib dim lamiɗeg!

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Hosea 14:1

O Israel, ag eɗun, Yawe, ahilag Kayak, ag Nug waappa dayeg! Aɗinu? Ag hipunin heppig, amuppa ag nena qeppig.

Matyu 15:8

‘Danab ah imu ag oɗelagppan nai mattiakppa da gumiɗna uɗitteb, amge ag oolag da ii meɗatteb.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Luk 4:8

A amu Jesus Nug Satannu nai nob ma aum. “Kayak naippa yaak inam daatte. ‘Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Jon 4:24

Kayak Nug am Ouɗi amunu, danab ag Nug noobppa dup nona binag elele mekkulagnu amu, ag Kayak Ouɗi ehanittakppa, amu doyak diig genabib eleppa Nug noobppa dup nona binag mekkulagoitte,” awa aum.

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Duteronomi 13:4

Ag Yawe, ahilag Kayak, ag Nug dim lamidnana, ag Nug aakkuib, ag nuhignu ebehilag oh bodoetta le maɗ! Ag nuhig haknunab anak nai dim lamidnan, Nug waappa daan Nug oɗe dim lamidnana, ag Nug guguittaknab dayeg!

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

Duteronomi 6:13

Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Josua 13:31

Moses nug ag Gileat maha laih, amu Basannu King Ognu king dayaknu aab okkai, Astarot, Edrei ele ag mattom. Moses nug Gileat wan amu oh am Makir buɗubppan, ag baelkadppan danab mattom. Makir nug am Manase bekka.

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!

Josua 24:23

Aakku Josua aum. “Aria, laa dilag kayak hambuppuak ag oolagppa daatteb amu, ag loppaɗna, ag oolag oh kunum ele, Yawe, Israelnu Kayak, metteg!” awa aum.

Ikki Danab 10:16

Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.

Ikki Danab 10:6

Amu dimppa, Israel danab ah ag Yawenu neekkakppa baula eheɗ heppig. Ag kayak hambuppuak Bal, Astoret ele iɗu iɗu waalagppa daan, oɗelag dim lamidnana, ag Aram dilag kayak, Saidon dilag kayak, Moap dilag kayak, Amon amu Pilistia ele dilag kayak ele, ag kayak hambuppuak amu oh ele waalagppa daan, ag oɗelag dim lamidppig. Amuib iitta, ag Yawe uuidna, Nug waappa daya, oɗe dim lamittak uun autnanab aoppig.

Ikki Danab 2:11

Israel ag anam hena, ag Yawe noobppa nuhig neekkakppa eheɗ henana, kayak hambuppuak Bal iɗu iɗu waalagppa daan, oɗelag dim lamidppig.

Ikki Danab 2:13

Ag Yawe uuidna, ag kayak hambuppuak Bal, amu kayak hambuppuak Astoret iɗu iɗu ele waalagppa daan, ag oɗelag dim lamidppig.

1 Samuel 31:10

Ag anam hewona, ag Saulnu bannu lamen aon, ag ahilag kayak hambuppuak Astoret iɗu iɗu, ahilag mettid lag, amuppa mewona, ag Saul gaɗa amu Betsan aabnu aɗ attan aihppig.