1 Samuel 7:2 - Nobonob Baibel

² Kiriat Jearim danab ag amu oh hena malaeg, Yawenu Tituanak Nainu Kunup appa haen elab, maɗ 20 dayom. Amu Israel danab ag eɗun Yawe dim lamidkkulagnu dabmenan, mahippig.

1 Samuel 7:2 ပူးပေါင်းရင်းမြစ်များ

1 Stori 13:3

Ig apput, ag uɗippeg, ig gota, ihinig Kayaknu Tituanak Nainu Kunup aot uɗignig. Aɗinu? Saul king dayeye, haen amuppa amu, ig Israel, ig Kayaknu Tituanak Nainu Kunupnu ii dabmeut, hamu dayom,” awa aum.

1 Stori 13:5

Ag oolag laippu dayom amunu, Dawit nug nai me ukke, Israel danab ah, Israel wan ohppan uɗippig. Yau uɗitteppanu Israel, Isip ele dilah tom am le onig Saiho, aria yawalti uɗitteppanu Israel dilag tom am Lebo Hamat, amu Israel danab ah ag wan oh tom aɗit amu gamalahppa daatte, ag appanu uɗippig. Ag Kayaknu Tituanak Nainu Kunup Kiriat Jearimnu aon uɗiglagnu uɗippig.

Jeremaia 26:20

Amu Semaia bekka Uraia, nug Kiriat Jearim ted, nug ele Yawe oɗeppanu nai awa, dimppa aɗi bekkunu nai mattiom amu, nug Jeremaia uug okkainab Jerusalem, amu Juda wan ohppa ele bekkunu aum bia, nug ele anamib aum.

Jeremaia 3:13

Da ag keeke laippuib hekkulagnu attem. Ag genab kobol eheɗ heeg, aab ag beɗulagppa daatte miag aig! Ag beɗulagppa aab daattenu diig am inam; ag da Yawe, ahilag Kayak, ag da dimeɗan, dahil nai tappaeg ne, ag kayak hambuppuak laihnu akkan, amu noolagppa dup nona binalag meppig. Ag ad okkai eppelkad bahia ukkak ele oh waalkadppa kobol nau amu henana, ag dahil nai ii dim lamidppig.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Matyu 5:4

Danab aun aɗi ag oolagppa ⌊hipuninnu⌋ guittak dootteb ele amu, ag itittak ena aoppig daatteb. Aɗinu? Ag oo mak aoglag.

Josua 9:17

Israel ag amu doon, ag laippun bappaidna gona, ag deɗ ewamppa Gibeon dilag aab okkai laala, amu italkkulagnu amuppa teppig. Aab okkai amu onilkad amu, Gibeon, Kepira, Berot, amu Kiriat Jearim ele.

Ikki Danab 2:4

Yawenu engel nug nai amu Israel danab ah oh amelagppa mattia male amu, Israel danab ah ag huana gaappig.

1 Samuel 7:1

Bet Simes danab ag nai amu meeg ukke, Kiriat Jearim danab ag uɗin, Yawenu Tituanak Nainu Kunup aon gona, Kiriat Jearim ted onig Abinadab, nug laugppa meppig. Abinadab nug Kiriat Jearim appa, qauko nakok igippa dayom. Amu ag Tituanak Nainu Kunup aon gona, nug laugppa meeg dayeye, ag Abinadab bekka Eleasar, nug Yawenu tituana mettak dayaya, ag nug nainu kunup atognokkunu otieg, nug Kayak noobppa uɗat amu hekkunu dayom.

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.