1 Samuel 7:16 - Nobonob Baibel

¹⁶ Samuel nug aab onig Rama, appa dayom, amge maɗ oh nug Ramanu aha, Betel ukka, nakok dayowa aha, Gilgal ukka, nakok dayowa aha, Mispa ukka, nakok dayowa, appanu aha eɗua Rama gottom. Nug ukka, aab amu ohppa daya oiyaya, nug Israel dilag nai babaittom.

1 Samuel 7:16 ပူးပေါင်းရင်းမြစ်များ

Genesis 28:19

Gokkaɗowa, nug aben amu onig Betel ataɗom. Anukka aab okkai appa dayom ele am onig Lus adappig.

Genesis 35:6

Jakop aɗi ele ag gona gona, aab onig Lus, onig laa Betel, Kanan wanppa daatte ele, ag amuppa teppig.

Sam 75:2

Amu Kayak atte. “Daib da hettoɗiak ganeb haknu attem; daib da nai doya mala hettoɗia epeɗia elele mettak tutukku hettem.

Hosea 5:1

Yawe Nug inam ele atte. “Mana mettak danab, ag nai imu doyeg! Ao, ag Israel dilag ikki danab oh, ag daulag human, doyeg! Ge, ag king baegppan oh, ag daulagppa doyeg! Aɗinu? Danab laa pelem ma, doɗ aotte, amubia ag Mispa appa, kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Ao, ag danab laa nug uhui ma, ai aotte, amubia ag Tabor appa ag kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Anam amunu, bu awaknu nai imuam ahilagnu.

Amos 5:5

Amge ag amu hekkulagnu ag Betel appa aib mattiɗna goppig. Ag Gilgal ele aib goppig. Berseba ele aib goppig. Aɗinu? Kekeɗ ag genab uɗin, danab ah Gilgal appanu diin goppeg, Gilgal danab ah ag wan laappa diia ukka laih me dayak danab ah daaglag. Ao, kekeɗ ag ele Betel loppaɗna heppeg, nauha autanab awa daakku.” Yawe anam atte.

Josua 18:26

Mispa, Kepira, Mosa,

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.

Josua 5:9

Haen ag beɗulkad pahaette amu, Yawe Nug Josua amegppa aum. “Gemu da hei, Isip danab ah dilag uug ag qaɗelagppa dayom amu, uug amuam iitta meum,” awa aum. Nug anam aum amunu, aben am onig Gilgal ataɗppig. Ag anam ataɗeg, onig amu gemu ⌊nai imu yaak haenppa⌋ ele daatte.

Ikki Danab 10:4

Nug bekkod 30 ele. Nug bekkod ag donki 30, amuppa godappig, amu ag aab 30 Gileat wanppa mameg meppig. Gemu ⌊nai imu yaak haenppa⌋ ele, aab amunu amu, danab ag, “Jairnu aab,” aon atteb.

Ikki Danab 12:14

Nug am bekkod 40 ele, alakkud danab 30 ele. Bekkod amu, alakkud amu ele ag donki 70ppa oippig. Nug Israel dilag epeɗiak danab maɗ eblaih ewam ele dayom.

Ikki Danab 5:10

Ag laa, ag donki enanag gomelkadppa oitteb, ag laa ag lamen kobol ele duqan, amuppa daatteb, amu ag laa ag ib man baelagppaib oitteb ele amu, ag oh ag laa le moɗppa daan ahi edatteb ele, ag ahilag ahi nai doon dabmetteg! Ag Yawe Nug kobol genab tutukku ha, kekeɗ eɗattomnu edatteb. Ao, ag Israel dilag daup Yawenu daatteb amu, ag daup amu kobol genab tutukku ele dim lamidna, kekeɗ eɗadppignu edatteb. Gemu, Israel danab ah, ag Yawenu danab ah amu, ag eɗun, aab ahilkadppa maɗoɗ ele daatteb.

1 Samuel 10:17

Aria, Saul anam he, Samuel nug Israel oh ag aab onig Mispa, appa Yawe noobppa qagmekkulagnu onilagppa e, ag doeg,

1 Samuel 11:14

Saul nug anam a, Samuel nug aum. “Ahappeg, ig oh Gilgal gota, appa ig Saul nug king daatte, ig ikka ikka baula atat doognig,” awa aum.

1 Samuel 7:5

Israel ag anam heeg, Samuel ag aab onig Mispa, appa gokkulagnu anana, nug ag amelagppa aum. “Mispa appa da Yawe ag ehanadkkunu unuqidkkul,” awa aum.