1 Samuel 7:12 - Nobonob Baibel

¹² Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.

1 Samuel 7:12 ပူးပေါင်းရင်းမြစ်များ

Genesis 22:14

Kayak Nug anam heum amunu, Abraham nug aben amu onig Yawe Yaira ataɗom. ⌊Nai amu eɗuak am, “Uug ihinig aɗi daakku amu, Yawe Nug ehanigkku.”⌋ Gemu, ⌊nai imu yaak haenppa⌋ ele ag atteb, “Yawenu qaukoppa Nug ehanigkku.”

Genesis 35:14

Attan te amu, Jakop nug Betel appa, Kayak nug amegppa nai mattiomppa men, at daakkunu, nug men qappe dayeye, nug wain gokkaɗaknu ofa daakkunu wain men qaɗeppa gokkaɗa, goɗen ele gokkaɗom.

Sam 71:17

O Kayak, na da nid nakoknab daaiyi uɗie, gemu ele na dahil ippunittak daame, amu da hanhan laa amelagppa keeke ena ena na hemenu mattien, gemu ⌊nai imu yaak haenppa⌋ ele madittem.

Sam 71:6

Na da menuiɗak haenppan digmena ehaniɗme, gemu ele hettem. Yo, na da ehaniɗe, da anil menuiɗom. Da na hanhan binan mekkul.

Eksodas 17:15

Yawe Nug nai ana male, amu Moses nug qaɗab laa qa, nug qaɗab amu onig, Yawe Nissi, ataɗom.

Aisaia 19:19

Haen amuppa geha Yawenu qaɗab laa Isip dilag wan ooppa daakku. Laa amu, geha men biidod laa danab ah anidna, ag Yawe tutukku dabmekkulagnu Isip dilag tomppa daakku.

Aposel 26:22

Amge Kayak Nug da ehaniɗe uɗie, gemu ele ehaniɗtte amunu, da gemu iikku hibaitten dayeye, danab okkai aɗi amu danab okkai iitta ele amelagppa nai imu madittem. Da nai laa ii madittem. Iitta. Propet aɗi, Moses ele ag aɗi bekkunu appig amu, da amu aakkuib madittem.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Josua 4:9

Ag men amu maon gona maatteg, Josua nug qappalattom. Men amuam Jodan le gamagppanu, aben mana mettak danab ag Tituanak Nainu Kunup kontrak inak ele amu, ag kunup amu maon hippaidppigppanu awak. Amu men amu ag daaeg uɗie, gemu ⌊nai imu yaak haenppa⌋ ele daatteb.

1 Samuel 14:35

Ag anam heeg, Saul nug Yawenu qaɗab qeum. Nug deɗ laa anam ii heum. Iitta! Imuam digmak haen nug amu heum.

1 Samuel 4:1

Yawe Nug anam heehe, Samuel Nug Kayak nai doya, nug mattieye, Israel oh dooppig. Aria, haen laa Israel, Pilistia ele ag ban hekkulagnu daappig amu, Israel ag ahan, aben laa onig Ebenisa, appa ag ahilag haen tutu dayaknu aab kalappig. Amu Pilistia dilag ban danab ag aab onig Apek, ag aab amu guguittak haen tutu dayaknu aab ahilag kalappig.

1 Samuel 5:1

Pilistia ag Kayaknu Tituanak Nainu Kunup Israel eppelagppanu aowona, ag Ebenisa appanu maon, ahilag aab laa onig Asdot, appa goppig.

1 Samuel 7:11

Ag oolna ukkaegeg, Israel ag Mispa appanu ahan, Pilistia lamadna aqanna gona, aab onig Betkar nakok eɗitta wanak batappig.