1 Samuel 7:10 - Nobonob Baibel

¹⁰ Samuel nug doɗ mana, Kayak medette, Pilistia ag ban digmena hekkulagnu Israel gukkuadna uɗippig, amge Yawe he, ag daappig ikkilagppa hakkaɗ eheɗ qa he, Pilistia dilag dabmak kabolie, ag eheɗ baɗan, Israel noolagppanu oolna goppig.

1 Samuel 7:10 ပူးပေါင်းရင်းမြစ်များ

Sam 18:15

O Yawe na he, ulah huanak hos ihie, ulah huana noobppa doa gotte, amubia Na hee, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao, Yawe na nai hee, wan ukku miag atiom.

Sam 29:3

Haen Yawe Nug nai maditte amu, Nug baag oqotti am okkainab, yu oqotti eɗittak. Ao, Kayak, Nug binag amahlak oppiaawak ele. Haen Nug nai maditte amu, Nug baag oqotti am hakkaɗ qette bia. Amu genab, haen Yawe Nug nai maditte amu, Nug baag oqotti am hakkaɗ qak bia, amu yu oqotti okkai ele eɗittak.

Sam 29:4

Yawe baag oqotti am ɠagattag. Yo, Yawe baag oqotti am laa nug dagom onig ɠagattag ele baag bia, amge amu eɗidtte.

Sam 78:66

Nug nuhikkud kekeɗ eɗattom. Nug he, ag uɗalag naunab neum. Uɗa nak amuam hanhan daakku.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Duteronomi 28:7

Kekeɗ ag banelag uɗin, aqaglagnu ban hekkulag me, Yawe Nug ehanatteb, ag eɗadkkulag. Kekeɗ ag ib laippuppa uɗin aqaknu ban hekkulag, amge ag ib kuɗumppa, noolagppan oolna gokkulag!

Josua 10:10

Israel ag anam teeg, Yawe Nug Amo dilag king, ahilkad daup ele ag huan baɗaglagnu he, Israel ag Amo danab kuɗumnab Gibeon appa aqappig. Ag anam henana, Israel ag Bethoron ukkak, ibppa appa Amo lamadppig. Amu kekeɗ ag oolna ukkaegeg, Israel ag lamadna, aqaeg mauhattegeg gona, Aseka, Makeda ele batakppa appa goppig.

Ikki Danab 4:15

Barak nug Sisera, nuhikkud daup ele banelag te amu, Yawe Nug he, Sisera, nuhikkud bannu karis lamittak danab, ban danab laa ele oh ag Barak aɗi qep elabppa ban ɠagattagnab heeg anadna, ag eheɗ baɗappig. Anam daye, Sisera nug bannu karis nuhig attannu oola, honap na, baegppaib oola ukkom.

Ikki Danab 5:20

Hoɗoppai hab waappanu ag Sisera ele ban heppig. Ao, hoɗoppai ag ib ahilag mattan gonana, Sisera ele ban heppig.

Ikki Danab 5:8

Israel ag Yawe dim lamidkkulagnu uun, kayak hambuppuak laala dim lamadkkulagnu heeg, kekeɗ ag uɗin, ban hekkulagnu daappig. Ag uɗippig, amge ig ihinkad ban danab 40,000 oolagppa, guppiɗ, o ban laa anidkkunignu elele iitta!

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 14:15

Jonatan, nuhig bannu keeke mawaknu nid ele aa anam heeh, Pilistia dilag daup laa oh, laa ag haen tutu dayaknu aab kalak ahilagppa daaegeg, laa ag haen tutu dayaknu aab kalak dimittim daappig ele amu, ag amu doyeg, wan uɗale, Kayak he, ag eheɗ baɗan,

1 Samuel 2:10

Danab ag Yawe ele ban hak bia hetteb amu, Nug heeb, ag nauhna autna aoglag. Genab! Yawe Nug hab aabppa dayaya, nuhig ɠagattagppa heeb, danab amu ag uug aoglag. Yawe Nug wan imuppan danab ah oh epeɗiadkku. Yawe Nug heeb, nuhig king am ɠagattag ele daakku. Ao, Nug laa king daakkunu goɗen gokkaɗakppa tituanom ele, Nug ɠagattag onig okkai ele nug metteb daakku.” Hana nug anam unuqittom.

1 Samuel 7:11

Ag oolna ukkaegeg, Israel ag Mispa appanu ahan, Pilistia lamadna aqanna gona, aab onig Betkar nakok eɗitta wanak batappig.