1 Samuel 6:9 - Nobonob Baibel

⁹ Ag amu heppeg, makau aɗit amu aa uɗatnu karis Yawenu Tituanak Nainu Kunup ele, aa uɗatnu karis amu eeɗya, Yawenu Tituanak Nainu Kunup Israel wanppa, aab Betsemes appa tutukku gokkulahnu Betsemes gukkuidya gokkulah dayeb amu, amuppa ag dooglag, Yawe Nug he, uug naunab imu oh ihinigppa beum. Amge makau aa uɗatnu karis, Yawenu Tituanak Nainu Kunup ele appa tutukku aoya ii gokkulah dayeb amu, amuppa ig doognig: uug ihinigppa beum ele amu, amuam Yawe eppegppanu iitta. Uug amu oh ihinigppa hamu beum doognig,” aon appig.

1 Samuel 6:9 ပူးပေါင်းရင်းမြစ်များ

2 Samuel 1:6

Dawit nug oɗ mette amu, nid bau amu nug aum. “Da qauko onig Gilboa appa oikkulnu ii dabmemi, amge da attem hein, appa oiyeye, Saul nug hibaitta daakkunu nuhig ban aɗa dayom anidmi. Nug anam dayeye, kekeɗ dilag daup ag bannu karis attan daan, ban hetteb, daup ag hos attan daan, ban hetteb ele amu, ag gukkuittak uɗin, Saul aɗaglagnu uɗippig.

1 King 4:9

Bendeker, nug am aab Makas, Salbim, Betsemes, Elon Bethanan ele, amu wan aab waɗele amu taliliattak daatteb, amu oh gumom.

2 Stori 25:21

Jehoas nug nai amu me ukkom, amge Amasaia nug King Jehoas nai aum dookkunu uue, amu Jehoas, nug Israel dilag king, nug nuhikkud ban danab ele ag Juda wanppa ban hekkulagnu uɗippig. Ag oh anam hena, ag Juda wanppa Betsemes appa ag nug uɗa tena, ban heppig.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Luk 10:31

Haen amuppa Juda dilag mana mettak danab laa nug ele ib amuppa gokkunu noum. Am nug danab amu andatta, nug ib daug aiɗa wana, qe-eɗitta ukkom.

Josua 15:10

Balanu amu, tom am qaban uɗitteppanu nakok talilitta ugakka ukka, Seir qaukoppa waum. Appanu tom amu nug ukka, qauko Jerim, onig laa Kesalon, appa, yawalti uɗitteppanu ugakka, Kesalon, appa waum. Aria, tom am qauko Jerimnu ukka, Betsemes wana, ukka Timna waum.

Josua 21:16

Ain, Juta amu Betsemes ele, aab amunu gikkiɗah dad okkai ele madappig. Aab Israel dilag huu okkai Juda, Israel dilag huu okkai Simeon ele wanelahppanu, ag Aron buɗub madappig amu, ahilag ebqak amu oh am eblaih waɗele.

1 Samuel 6:10

Pilistia danab okkai ag anam aeg, Pilistia danab ag danab amu appig bia heppig. Ag makau anig aɗit diiatna, uɗatnu karisppa qakkalatppig, amge nalti amu, ag aɗppa inalateg daapiɗ.

1 Samuel 6:12

Ag kunup aɗit amu uɗatnu karis attan maatona, ag makau uhuqateg, makau aɗit aa Betsemes tutukku gokkulahnu ib aoya tepiɗ. Aa teyaya, aa qinonob gaayya gopiɗ. Aa laih naɗiap-ppa, o laih nanehppa ii gopiɗ. Iitta. Aa Betsemes tutukku gokkulahnu gopiɗ. Aa teeheh, Pilistia dilag king tanig ele ag aa dim lamatteg, Betsemes tomppa batappig.

1 Samuel 6:3

Ag anam oɗ mattaeg amu, Pilistia dilag mana mettak danab, keeke doyaknu eman hak danab ele ag appig. “Ag Israel dilag Kayaknu Tituanak Nainu Kunup meppeg, nug eɗua nuhig abenppa gokkunu hekkulagnu hetteb dayeb amu, ag hamu aib meppeg ukkom. Iitta! Ag keeke laa, eheɗ haknu ofa daakkunu ele meppeg ukkaɗ! Ag anam heppeg amu, Kayak Nug heeb, ag eɗun ena daaglagtai. Ena daaglag dayeb amu, amuppa ag genab dooglag, Yawenu Tituanak Nainu Kunup ippa dayom amunu, Nug he, uug okkainab aqom,” aon appig.