1 Samuel 6:6 - Nobonob Baibel

⁶ Ag Isip danab, Paro ele heppigbia aib heppig. Isip, Paro ele ag Kayaknu nai dim lamidmananu dabmak ahilag ɠagattag eppe, ag ii dim lamidppig amunu, Kayak uug naunab mattom. Matte, ag heeg, Israel ag ahan, atu laih gokkulagnu goppig.

1 Samuel 6:6 ပူးပေါင်းရင်းမြစ်များ

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Sam 95:8

Nai amuam inam. “Ag mamelkad aɗi ag Meriba appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom. Ao, ag mamelkad aɗi deɗ laa Masa appa, Masa am atu taɗakppa daatte amu, ag appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Eksodas 14:23

Amu Israel ag yu mataɗna waeg, Isip dilag ban daup ag Israel dim lamadna nona gona, ag ele yu mataɗna gona gamagppa goppig; daup ag bannu karis attan ban heppig, amu daup ag hos attan daan, ban heppig ele, ag oh goppig.

Eksodas 4:21

Am Yawe Nug Moses amegppa aum. “Dimppa na gona, Isip tewona amu, na kobol danab haknu elele iitta, da na kobol amu na hekkutnu ɠagattag mettami amu, na amu oh Paro noobppa hekkut. Na anam hekkut amge da heppi, Paronu dabmak aakku ɠagattag ebakku. Nuhig dabmak am ɠagattag eppa dayebeb, Paro nug danab ah uuatteb ii gomana.

Eksodas 7:13

Aqa laattom, amge Yawe Nug aum bianab, Paronu dabmak ɠagattag eppak dayom, nug Moses, Aron ele dilah nai amu ii doyom.

Eksodas 7:14

Paro nug anam he, aria Yawe Nug Moses amegppa inam aum. “Paro nug nuhig dabmak am ɠagattag eppak daatte; nug Israel paɗatteb gokkulagnu ii hette.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Eksodas 8:32

Qid oh goppig, amge Paro nug he, haen imuppa ele nuhig dabmak ɠagattag eppe, Israel danab ah uuatte ii goppig.

Eksodas 9:16

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Eksodas 9:34

Amu keeke amu oh iitta me, Paro nug hakkaɗ qak uue, ais doɗo ii ne, gu mataɗom ele antta, nug hipunin baula heum. Nug amu nuhikkud ehanittak anuqak danab ele ag baula heeg, ahilag dabmak am ɠagattag eppom.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!