1 Samuel 6:5 - Nobonob Baibel

⁵ Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.

1 Samuel 6:5 ပူးပေါင်းရင်းမြစ်များ

1 Stori 16:28

Ag wanppan wan anen anen ohppan danab ah ag Yawe, Nug binag amahlak oppiaawak ele, ɠagattag ele amu, ag amu doyeg! Ge, ag amu doyeg!

1 Stori 16:29

Yawe onig am binag amahlak oppiaawak ele, ag amu doyeg! Ao, ag doɗ laa manan mettaglagnu aon, Nug noobppa uɗieg! Ag Yawenu oppiaawak ele daan, ag Nug noobppa dup nona Nug binag meig!

Sam 18:44

Wan laihnu danab ah ag da aɗi attem doon, laippun ag akka da oɗel dim lamidtteb. Ao, wan laihnu danab ag da noolppa beɗulkad aɗaeg nette.

Sam 32:4

Aɗinu? Tuqan, amun ele na toliɗkkutnu, na eppen da qaɗelppa uug ele me, aam he, wan leppu qaɗaiettom bia dahil ɠagattag iitta meum. Sila.

Sam 39:10

Amge na da bau laa bu meɗamnanu oɗ medattem! Ao, na bu meɗeɗe, da iikku padal mekkulnu hein daattem.

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Eksodas 8:17

Yawe Nug anam a amu, Moses, Aron ele aa anam hepiɗ; amu haen Aron nug dudqak hokkat nuhig amu awa, wan gappud makkuɗe amu, Isip wanppanu gappud oh amu eɗun, peipe bena, danab ah, doɗ oh ele happutadna daappig.

Eksodas 8:24

⌊Paro nug nai doyaya, nug nai tappe nak he,⌋ Yawe Nug nai aumbia he, qid ameg naɗi uɗin, Paronu lag enanagnab, ag amu ooppa nona, nuhikkud ehanittak anuqak danab laulkadppa, am danab ah laulkadppa ele ambeppig. Isip wanppa amu, qid ambena heeg, wan nauha autanab awom.

Eksodas 8:5

Aria, Yawe Nug Moses amegppa aum. “Na Aron amegppa appe, nug eppeg awa, attan humeb teeb, dudqak hokkat nuhig amu attan aɗa, amuppa nug le, lenag, le ameg ele epponatta ukkeb, og ag bena, Isip wan ambeig!” awa aum.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 42:12

Aben amu ohppan danab ag Yawe binag mettanna, ag wan miagnu, wan umanu ele, ag Nug binag okkai metteg!

Jeremaia 13:16

Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Jeremaia 3:13

Da ag keeke laippuib hekkulagnu attem. Ag genab kobol eheɗ heeg, aab ag beɗulagppa daatte miag aig! Ag beɗulagppa aab daattenu diig am inam; ag da Yawe, ahilag Kayak, ag da dimeɗan, dahil nai tappaeg ne, ag kayak hambuppuak laihnu akkan, amu noolagppa dup nona binalag meppig. Ag ad okkai eppelkad bahia ukkak ele oh waalkadppa kobol nau amu henana, ag dahil nai ii dim lamidppig.

Joel 2:25

Am Yawe Nug atte. “Tap-lokus huanaknab ag ameg naɗinab daan uɗippig, tap-lokus okkai okkai, tap-lokus makkulak bau, am tap-lokus diig laala ele, tap-lokus oh amu da hei uɗippig, ag huanak uɗin, keeke lappig amu, da heppi, Israel danab ah, ag ee tap-lokus lappig amu, ee amubia ag ee elele eɗun aoglag.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Namba 33:4

Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.

Jon 9:24

Juda okkai ag ahilah nai doon, danab amu genab ameg gaɗuak dayom, gemu ena daatte oolagppa genab dooppig amunu, ag baula ameg gaɗuak ena dayom ele onigppa eeg uɗie, ag nug amegppa appig. “Na Kayakib binag amahlak oppiaawak ele me! Ig doottem, danab amuam hipunin danab,” aon appig.

Josua 7:19

Anam beum amu, Josua nug Aakan amegppa aum, “O bekkal, na Yawe, Israel dilag Kayak, na Nug binag amahlak oppiaawak ele mette! Na hipunin nahip miag mena, na da amelppa aɗi eheɗ heme amu, na amunu a! Aib da noolppa lokkumkkut heme,” awa aum.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.

Revelesen 16:9

Danab ag gakkaɗak huanaknab amu anam ewatta auta awe, ag Kayak Nug keeke nau danab uug okkai madatteb amu oh gumattom ele, ag nuhignu dabittak nai anana, ag oolag ii eɗuom, Kayak binag amahlak oppiaawak ele ii medappig.

1 Samuel 5:11

Ag anam appig amunu, ag heeg, Pilistia danab okkai laa oh ag uɗin qagmeeg, ag ag amelagppa appig. “Ag heppeg, laa ag Israel dilag Kayaknu Tituanak Nainu Kunup imu maon ukkeg! Nug eɗua, nuhig abenppa ukkaɗ! Anam iitta amu, Nug heeb, ig oh mauhkkunig,” aon appig. Ag amu appignu diig am, Kayak Nug bu okkainab matta he, ag oolagppanu danab ah kuɗum ag mauhppig amunu, aab okkai amunu danab ah ag eheɗ baɗappig.

1 Samuel 5:9

Ag maon goppig, amge ag appa meppig dimppa amu, Yawe he, uug okkainab danab appanu ele, uug amu ahilagppa ele be, ag eheɗ baɗappig. Yawe he, aab okkai amunu danab ah bau, kaino ele, ag beɗulkadppa mamattin nau beum.

1 Samuel 6:8

Ag anam awona, ag tuɗidna appig. “Ag nakuɗ diiatna, aɗppa maatppeg daapepeɗ, ag Yawenu Tituanak Nainu Kunup uɗatnu karis attan meig! Aria, ag keeke dottog golppa heppig ele, keeke amuam eheɗ haknu ofa bia, ag Yawe mettaglag amu, ag dottog amu aon, kunup nakok laappa inan, ag kunup amu Yawenu Tituanak Nainu Kunup heqo laih mewona, ag heppeg, makau ag uɗatnu karis amu eeɗpeɗ, Yawenu Tituanak Nainu Kunup am eɗua ukkaɗ!