1 Samuel 6:20 - Nobonob Baibel

²⁰ Kobol amu beum amunu, Betsemesnu danab ag appig. “Aunnab nug Yawe noobppa daakkunu elele? Laa iitta! Nug am Kayak Oppiaawak Ele. Nug anam daatte amunu, nuhig Tituanak Nainu Kunup imu iguppa daakkunu am elele iitta, amge ig hepput, adebtai gokku?” aon appig.

1 Samuel 6:20 ပူးပေါင်းရင်းမြစ်များ

2 Samuel 6:7

Usa nug Kayak danab laa Tituanak Nainu Kunup aɗamanu ɗo meum, nug ɗo amu ii dim lamitta, eppeg bahia aɗom amunu, Yawe oo huana nauhom. Nug oo nauhom amunu, Nug he, Usa nug Kayaknu Tituanak Nainu Kunup daugppa appa mauhom.

2 Samuel 6:9

Amu Dawit nug Yawe anam he antta, Yawenu baɗa aum. “Da genab Yawenu Tituanak Nainu Kunup awe tein, dahil aabppa mekkulnu elele iitta,” awa aum.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Lewitikas 11:44

Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Lewitikas 11:45

Aɗinu? Da am Yawe. Da ag ahilag Kayak daakkulnu, da ag Isip wanppan diiyi, ippa uɗippig. Da am oppiaawak daattem amunu, ag dahilnu, oppiaawak ele daaglagoitte,’ awa aum.

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Luk 5:8

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Luk 8:37

Mattieg, Gerasanu wan atu, appan danab oh ag Jesus uuatta gokkunu unuqppig. Aɗinu? Ag huan baɗappig. Aeg aakku Jesus Nug uub attan ta, Nug eɗua ukkom.

Revelesen 6:17

Aɗinu? Deɗ naɗi, amuam aa danab ah hipunin ahilagnu bu aqaglahnu deɗ, deɗ amu aakku beum daatte. Aun nug ɠagattag daya, haen naɗi amu eɗidkku? Auntai laa iitta!” aon appig.

1 Samuel 5:7

Uug amu anam be, haen Asdot danab ag amu anidna, ag akka akka appig. “Israel dilag Kayak Nug he, uug imu oh ihinigppa baaba, Dagon, ihinig kayak, nuhigppa ele bette amunu, Kayaknu Tituanak Nainu Kunup nug ippa iinab daama!” aon appig.