1 Samuel 6:12 - Nobonob Baibel

¹² Ag kunup aɗit amu uɗatnu karis attan maatona, ag makau uhuqateg, makau aɗit aa Betsemes tutukku gokkulahnu ib aoya tepiɗ. Aa teyaya, aa qinonob gaayya gopiɗ. Aa laih naɗiap-ppa, o laih nanehppa ii gopiɗ. Iitta. Aa Betsemes tutukku gokkulahnu gopiɗ. Aa teeheh, Pilistia dilag king tanig ele ag aa dim lamatteg, Betsemes tomppa batappig.

1 Samuel 6:12 ပူးပေါင်းရင်းမြစ်များ

1 King 4:9

Bendeker, nug am aab Makas, Salbim, Betsemes, Elon Bethanan ele, amu wan aab waɗele amu taliliattak daatteb, amu oh gumom.

Eksodas 8:15

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Namba 20:19

Edom dilag king nug nai amu aum amunu, Moses nug Israel oh oɗelag awa, nug nai imu eɗua me, nuhigppa ukkom. “Geha ig ib manib gota, igte, iitta doɗ ihinkadte laa le laa lappeg amu, ig amunu daden mekkunig. Ig tutukkuib baenigppa gota gota, gokkunignu oonig daatte. Ig aɗitai laa hekkunignu iitta,” awa aum.

Josua 15:10

Balanu amu, tom am qaban uɗitteppanu nakok talilitta ugakka ukka, Seir qaukoppa waum. Appanu tom amu nug ukka, qauko Jerim, onig laa Kesalon, appa, yawalti uɗitteppanu ugakka, Kesalon, appa waum. Aria, tom am qauko Jerimnu ukka, Betsemes wana, ukka Timna waum.

1 Samuel 6:11

Pilistia danab ag anam hewona, ag Yawenu Tituanak Nainu Kunup uɗatnu karis attan mewona, ag kunup laa, kunup amuppa tog dottog, am mamattin dottog golppa hak ele inappig amu, ag kunup amu ele uɗatnu karis attan meppig.

1 Samuel 6:13

Amu Betsemesnu danab ah ag oolnu noakppa wit aeg aoglagnu henana, ag appa daanna, wit ikki okkulna, qagmena aonna, ag neekkeg ukke, ag Tituanak Nainu Kunup anidna, ag oolag gamag ahom.

1 Samuel 6:9

Ag amu heppeg, makau aɗit amu aa uɗatnu karis Yawenu Tituanak Nainu Kunup ele, aa uɗatnu karis amu eeɗya, Yawenu Tituanak Nainu Kunup Israel wanppa, aab Betsemes appa tutukku gokkulahnu Betsemes gukkuidya gokkulah dayeb amu, amuppa ag dooglag, Yawe Nug he, uug naunab imu oh ihinigppa beum. Amge makau aa uɗatnu karis, Yawenu Tituanak Nainu Kunup ele appa tutukku aoya ii gokkulah dayeb amu, amuppa ig doognig: uug ihinigppa beum ele amu, amuam Yawe eppegppanu iitta. Uug amu oh ihinigppa hamu beum doognig,” aon appig.