1 Samuel 5:6 - Nobonob Baibel

⁶ Pilistia ag anam heeg ukke, Yawe Nug he, Asdot danab ah, am danab ah Asdot guguittak daappig ele, uug okkainab ahilagppa be, ag eheɗ nau baɗappig. Uug beum am, mamattin ag beɗulagppa beum.

1 Samuel 5:6 ပူးပေါင်းရင်းမြစ်များ

Genesis 41:31

Enug haen amu eheɗ naunab amunu, haen amuppa Isip danab ag ee naɗi, okkai aoppig daakku amu, ag daulag atikku.

Job 31:3

Am inam. Nau hak danab ag uug naunabppa daaglag. Ao, laa eheɗ hetteb ele, ag padal mekkulag.

Sam 145:20

Yawe Nug aun aɗi ag nuhignu oolag mauhehe daatteb ele amu, Nug ag dabmadatte, amge aun aɗi ag nau hak danab daatteb ele amu, Nug ag hatte nauhtteb.

Sam 147:6

Yawe Nug danab ah ag akka ag onilag qeeg nette ele ehanadtte, amge Nug nau hak danab diia he, gappudppa notteb.

Sam 32:4

Aɗinu? Tuqan, amun ele na toliɗkkutnu, na eppen da qaɗelppa uug ele me, aam he, wan leppu qaɗaiettom bia dahil ɠagattag iitta meum. Sila.

Sam 78:66

Nug nuhikkud kekeɗ eɗattom. Nug he, ag uɗalag naunab neum. Uɗa nak amuam hanhan daakku.

Eksodas 9:3

Yawe, Nug ag Isip, ahilkad doɗ amu oɗe eheɗ naunab madakku. Nug geha nahipad doɗ dad okkaippa daatteb, amuam hos, donki, kamel, makau, sipsip amu meeme ele, Nug amu oh dilagppa heeb, oɗe naɗi amu aoglag.

Aposel 13:11

Aria, da appi doye! Gemu Naɗi eppeg amu na oitteb, amen gaɗueb, aamnu amahlak ii anidnana, nakok haen elab anam daakkut,” awa aum. Pol nug anam aawo, pahanab keeke bud bia Elimas ameg haute, ameg gatatu mane, oiyaknu elele iitta amunu, danab laa ehanitta, ib ippunidkkunu unuqattom.

Duteronomi 28:27

Yawe Nug geha Isip dilagppa mamattin he aqom bia ahilagppa heeb bekku. Nug heeb, ag beɗulagppa mamattin beppeg, beɗulagppa ihuanhuan, yu qak ele kuɗum ele daappeg, nahig huana aqakku. Ag heppeg, oɗe digdig amu iitta ii memana.

1 Samuel 5:11

Ag anam appig amunu, ag heeg, Pilistia danab okkai laa oh ag uɗin qagmeeg, ag ag amelagppa appig. “Ag heppeg, laa ag Israel dilag Kayaknu Tituanak Nainu Kunup imu maon ukkeg! Nug eɗua, nuhig abenppa ukkaɗ! Anam iitta amu, Nug heeb, ig oh mauhkkunig,” aon appig. Ag amu appignu diig am, Kayak Nug bu okkainab matta he, ag oolagppanu danab ah kuɗum ag mauhppig amunu, aab okkai amunu danab ah ag eheɗ baɗappig.

1 Samuel 5:7

Uug amu anam be, haen Asdot danab ag amu anidna, ag akka akka appig. “Israel dilag Kayak Nug he, uug imu oh ihinigppa baaba, Dagon, ihinig kayak, nuhigppa ele bette amunu, Kayaknu Tituanak Nainu Kunup nug ippa iinab daama!” aon appig.

1 Samuel 5:9

Ag maon goppig, amge ag appa meppig dimppa amu, Yawe he, uug okkainab danab appanu ele, uug amu ahilagppa ele be, ag eheɗ baɗappig. Yawe he, aab okkai amunu danab ah bau, kaino ele, ag beɗulkadppa mamattin nau beum.