1 Samuel 4:21 - Nobonob Baibel

²¹ Nug nai amu hamu doya, nug, “Kayaknu binag amahlak oppiaawak ele Israel ooppanu ukkom,” anana, nug nid onig Ikabod ataɗom. Nug anam aumnu diig am, Pilistia ag Kayaknu Tituanak Nainu Kunup aon goppig, amu nug gamu, gamu mameg ele oh mauhpiɗ.

1 Samuel 4:21 ပူးပေါင်းရင်းမြစ်များ

Sam 106:20

Ag Kayak, Nug binag amahlak oppiaawak ele, ag Nug noobppa dup nona binag mekkulagnu uuna, ag makau dawai gikkiɗah latte ele, ag amu dottog laa heppig amu, ag dottog amu noobppa dup nona binag meppig!

Sam 26:8

O Yawe, da na laut, na appa daattem ele amu, da nahip lag amunu ool huananab hette. Ao, da nahip lag, binag amahlak oppiaawak ele nahip appa ana daatte amu, da lag amunu ool huana hette.

Sam 78:61

Tituanak Nainu Kunup am Nug ɠagattag attem ele epponigtte, amge Nug kekeɗ uuatte, ag Tituanak Nainu Kunup aakku aoppig. Ao, Tituanak Nainu Kunup nuhig ɠagattag okkai naɗi ele epponigtte, amge Nug he, kekeɗ ag aoppig.

Sam 78:64

Kekeɗ ag Israel dilag mana mettak danab qep elabppa duulag watteg, Israel danab amu, ag waalkad ag mahialadkkulagnu elele iitta daappig.

Jeremaia 2:11

Ag neegna, ag danab ah laa ag ahilkad kayak uuadnana, kayak laa dim lamadtteb, o iitta antteg! Israel danab ah ag amubianab aakku heppig. Kayak laa oh am kayak genab iitta, amge dahilad danab ah ag da uuiɗna, ag kayak hambuppuak laa, kayak amu ag ag ehanadkkulagnu elele iitta, ag dottolkad amu noolagppa dup nona binalag madatteb.” Yawe Nug anam awa atte.

Gayak Nai 2:1

⌊Israel ag hipunin heegeg,⌋ Naɗi Nug he, nuhig oo nauhak ag tonattom daatte. Anukka Sion am binag okkai ele, amge gemu Jerusalem am binag nakok laa ele iitta. Nug oo nauhak okkai doya; Nug Jerusalemnu, “Aab dahil,” dab-ii-meum.

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.

1 Samuel 14:3

Aria, danab Saul ele daappig amu, ag oolagppan laa am Ahaiya, nug am mana mettak danab, nug lamen enanag-epod takkom. Ahaiya mameg am Ikabod awag Ahitup. Aa mamelah am Eli bekka Pinias. Eli am Yawenu mana mettak danab, Silo dayom. Danab 600 Saul ele daappig amu, ag oolagppan laa, nug Jonatan ukkom ii doyom.

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.

1 Samuel 3:12

Da kobol amu hekkul ele am inam. Da uug aɗi aɗi Eli, nug buɗub ele, da ag uug madakkulnu ami amu, da amu ohnab hekkul. Da laippu laa iinab tippalpa.

1 Samuel 4:11

Pilistia ag Israel eɗadnana, ag Kayaknu Tituanak Nainu Kunup aonna, ag Eli bekoɗ Hopni, Pinias ele, ag aa ele aqateg mauhpiɗ.

1 Samuel 4:22

Nug nid onig Ikabod ataɗaɗa, nug aum. “Pilistia ag Kayaknu Tituanak Nainu Kunup aon goppig amunu, Kayaknu binag amahlak oppiaawak Israel ooppanu ukkom,” awa aum.