1 Samuel 4:2 - Nobonob Baibel

² Aria, ag anam daanna, ban hekkulagnu henana, Pilistia dilag daup okkai ag daup ahilkad ag gona, aben aben daaglagnu aeg, ag gona daaegeg, ag Israel ele ban heppig. Ag oh ban heegeg, ban okkai, ɠagattag me, Pilistia ag Israel eɗadna, ag Israel dilag daup 4,000 anam aqaeg mauhadppig.

1 Samuel 4:2 ပူးပေါင်းရင်းမြစ်များ

Gayak Nai 3:40

Yawe Nug bu mekkeb, ig nai aib hemut. Iitta. Ig ihinig hak, ihinig oiyak dabmetata, epeɗidtata, ma anttak meta; ig eɗut, Yawe waappa daagnignu hetu!

Lewitikas 26:37

Ao, auntai laa ag ii lamadkku, me ag nug taataɗ qettanna, oolna gokkulag. Oolak ahilag am, ban laappa, ag ahilkad kekeɗ dilagnu hena oolppig bia oolkkulag. Ag ahilag kekeɗ noolagppa hippaidna daaglagnu amu, ɠagattag iitta.

Namba 14:45

Aria, Israel ban daup ag qauko nakok teegeg amu, Amalek, Kanan danab ele appa daappig, ag qaukoppan nona eɗadnana, lamadna gona, Horma appa wana uuadppig.

Josua 7:12

Ag anam heppig amunu, Israel ag kekeɗ ahilkad, ag amu dilagnu oolna gotteb. Amunu ahilkad kekeɗ ag eɗadtteb. Aɗinu? Keeke dahilnuib dahil pelemppa daatte ag oolagppa daatte amunu, gemu Israel, ag ele ag dahilnuib dahil pelemppa daatteb. Anam amu, ag keeke nauhkkunu dahilnuib dahil pelemppa daatte, keeke amu ag oolagppa daatte amu, ag heppeg ii nauhkku dayeb, da tuɗitten ag ele ii daamta.

1 Samuel 17:21

Israel ag anam ahan neeg, Pilistia ele ag ahan anam neeg, Israel laih daaegeg, Pilistia laih daaegeg, ag ban hekkulagnu hena, huu aɗit daanna, neekkeg ukke, neekkeg uɗie, nug iɗu anidnana, ag ban hekkulagnu bappaidppig.

1 Samuel 17:8

Goliat nug ban bala anam mewowa, nug nuhig huu ameg amu uuatta na, nug hibaitta dayaya, nug baag okkaippa Israel ban danab onilagppa ewa, amelagppa aum. “Ag aɗinu lainppa anam hippaidna daatteb? Ag ban hekkulagnute daatteb? Da am Pilistia danab, danab ɠagattag; ag am Saulnu maɗi nid hamuib. Ag oolagppanu laa elele dayeb amu, ag nug da ele ban hekkunihnu otippeg, nug neeb, da ele ban heɗu!

1 Samuel 4:1

Yawe Nug anam heehe, Samuel Nug Kayak nai doya, nug mattieye, Israel oh dooppig. Aria, haen laa Israel, Pilistia ele ag ban hekkulagnu daappig amu, Israel ag ahan, aben laa onig Ebenisa, appa ag ahilag haen tutu dayaknu aab kalappig. Amu Pilistia dilag ban danab ag aab onig Apek, ag aab amu guguittak haen tutu dayaknu aab ahilag kalappig.

1 Samuel 4:10

Pilistia dilag daup ag akka akka anam awona, ag ban henana, ag Israel eɗatteg, Israel dilag daup ag oolna, laulkadppa goppig. Amge ag ban henana, Pilistia ag Israel dilag daup huanaknab aqappig. Ag aqaeg ukke ukke, Israel dilag daup 30,000 mauhppig.

1 Samuel 4:3

Ag mauheg, Israel dilag ban danab laa ag ii mauhppig ele amu, ag eɗun, haen tutu dayaknu aab kalak ahilagppa gona teppig. Ag teeg, amu Israel dilag ikki danab ag appig. “Aɗinu Yawe Nug he, Pilistia ag ig gemu eɗigppig?” aon appig. Ag anam awona amu, ag tuɗidna appig. “Yawenu Tituanak Nainu Kunup kontrak inak ele Silo appa daatte amu, ig amu aot uɗit, ig banppa maot gopput, Yawe Nug ehanikkeb, ig Pilistia dilag daup eɗadta, ig ag eppelagppa ii daamta,” aon appig.