1 Samuel 4:17 - Nobonob Baibel

¹⁷ Eli nug anam a, danab nug nai awa uɗiom ele amu, nug aum. “Pilistia dilag daup ag ban henana, ag Israel eɗadna aqaegeg, Israel huanaknab mauhadna, Israel ag aakku oolppig. Amu na begapaɗ Hopni, Pinias ele, aa ele mauhpiɗ, amu Pilistia ag Kayaknu Tituanak Nainu Kunup ele aoppig,” awa aum.

1 Samuel 4:17 ပူးပေါင်းရင်းမြစ်များ

Sam 78:61

Tituanak Nainu Kunup am Nug ɠagattag attem ele epponigtte, amge Nug kekeɗ uuatte, ag Tituanak Nainu Kunup aakku aoppig. Ao, Tituanak Nainu Kunup nuhig ɠagattag okkai naɗi ele epponigtte, amge Nug he, kekeɗ ag aoppig.

Sam 78:64

Kekeɗ ag Israel dilag mana mettak danab qep elabppa duulag watteg, Israel danab amu, ag waalkad ag mahialadkkulagnu elele iitta daappig.

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.

1 Samuel 3:11

Samuel nug anam mattia male, Yawe Nug aum. “Antte! Da Israel danab ah oolagppa kobol laa hekkulnu hettem amu, da amu heppi, Israel danab ah ag amu anidna, ag eheɗ ottaikkulag.

1 Samuel 3:12

Da kobol amu hekkul ele am inam. Da uug aɗi aɗi Eli, nug buɗub ele, da ag uug madakkulnu ami amu, da amu ohnab hekkul. Da laippu laa iinab tippalpa.

1 Samuel 4:16

Aria, danab nug nai awa uɗiom ele nug paha Eli toppa uɗia, nug Eli amegppa aum. “Da deɗ imuppa, geha iikkunab banppanu uɗimi,” awa aum. Nug anam a amu, Eli nug aum. “O da bekkal, aɗinab beum? Na appe doyei!” awa aum.

1 Samuel 4:18

Danab amu nug anam mattiaya, haen nug Kayaknu Tituanak Nainu Kunupnu nai amu a, Eli nug Kayaknu mettid lagnu aɗ od guguittak dayaknu balal attan dayom amunu, nug nai amu doya, nug ukka, gomeppa na qe, nug duug ebehi qiie, nug mauhom. Nug am danab kainonab, titiɗak ele amunu, nug duug ebehi qiie, nug mauhom. Nug maɗ 40 Israel dilag okkai aakku dayom.