1 Samuel 4:13 - Nobonob Baibel

¹³ Danab amu nug qaiqaɗ ukka, Silo ta, nug ban abenppanu nai uug ele mattieye, danab ah dooppig. Aab amuppan danab ah ag doonna, ag eheɗ gaappig. Aria, Eli nug haen amuppa nug ib giginppa, nuhig dayaknu balalppa dayaya, ib neekkakka dayom. Aɗinu? Nug Kayaknu Tituanak Nainu Kunup eheɗ aomanu baɗaɗa dabmeum.

1 Samuel 4:13 ပူးပေါင်းရင်းမြစ်များ

Sam 26:8

O Yawe, da na laut, na appa daattem ele amu, da nahip lag amunu ool huananab hette. Ao, da nahip lag, binag amahlak oppiaawak ele nahip appa ana daatte amu, da lag amunu ool huana hette.

Jeremaia 48:19

Ag danab ah Aroer aabppa daatteb, ag ahan gona, ib daugppa daanna neegppeg ukkeb, danab ag ooltteb, ah kekeɗ aqamnanu oolna gobeppeg anadkkulag. Anadna amu, ag amelagppa aig! ‘Aɗi beebe ooltteb?’ oɗ matteg!

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

1 Samuel 1:9

Kobol amu oh am hanhan bettom, amge haen laa ag oh gona, Silo daanna, ag ee, le ele lana malaeg, Eli, nug am mana mettak danab dayom amu, nug Yawenu mettid haknu peh lag od ukku guguittak dayaknu balalppa dayeye, Hana nug unuqidkkunu aha,

1 Samuel 4:14

Amu danab nug ban abenppanu uɗiom ele amu, nug nai uug ele amu mattie, danab ah ag doon, huan gaaegeg, Eli doya, nug oɗ meum. “Muttub qak imu am, diig attem?” awa oɗ meum. Nug anam oɗ me, danab nai awa uɗiom ele, nug doya, nug paha Eli toppa ukkom.

1 Samuel 4:18

Danab amu nug anam mattiaya, haen nug Kayaknu Tituanak Nainu Kunupnu nai amu a, Eli nug Kayaknu mettid lagnu aɗ od guguittak dayaknu balal attan dayom amunu, nug nai amu doya, nug ukka, gomeppa na qe, nug duug ebehi qiie, nug mauhom. Nug am danab kainonab, titiɗak ele amunu, nug duug ebehi qiie, nug mauhom. Nug maɗ 40 Israel dilag okkai aakku dayom.