1 Samuel 4:12 - Nobonob Baibel

¹² Aria, Pilistia ag Israel eɗatteg, deɗ amuppa Benyamin danab laa nug lamen nuhig pattiɗa, nug wan gappud igippa mewowa, nug ban hak abenppanu aha, qaietta Silo ukkom.

1 Samuel 4:12 ပူးပေါင်းရင်းမြစ်များ

2 Samuel 1:2

deɗ ewamppa danab laa, nug Saulnu haen tutu dayaknu aab kalappigppanu uɗiom. Nug nuhig lamen pattiɗatte dayeye, gappud ele igippa ma dayom. Nug uɗia, Dawit toppa ta, binag mekkunu, laippun gateg qaun o, gomela, iɗu wanppa meum.

2 Samuel 13:19

Tamar nug lamen anam takka oiyom amu, nug lamen amu pattiɗa, nug uhuɗ igippa ma, nug eppeg oh igippa ma, ⌊dup noa,⌋ huana gayaya ukkom.

2 Samuel 15:32

Ag anam gona gona, Dawit nug Olipnu Qauko igippa, danab ah aguppa Kayak noobppa dup nona Nug binag meppigppa, nug aguppa te, Ark danab Husai nug matu ta, appa dayom, nug ooppa guittak doya, lamen elab nuhig pattiɗa, gappud ele igippa ma, anam dayaya, Dawit uɗa teum.

Nehemaia 9:1

Aria, kalam ebqak eblaih aɗit ele, kalam amunu deɗ 24ppa Israel oh ag qagmeppig. Ag qagmena, ag ee ohnu kud mena daanna, ag lamen heɗiag ele takkan, ag gappud aon, ikkilkadppa meppig.

Job 2:12

Ag nug gumidna gonana, ag nakok piɗe daanna, neekkeg ukke, nug anidnana, “Umu am Joptai, iitta danab laatai?” anana, amuam Job anidna doon, ag huana gaan, ahilag lamen elab pattiɗna, ag gappud aon, ikkilag laidppig.

Jeremaia 26:6

da heppi, lag dahil imu nauhakib daakku; anukka da hei, aab Silo nauhom, amubia nauhak daakku. Da amu heppi, wan atu ohppan danab ah ag aab okkai Jerusalem onig aon, eheɗ laa awaknu anak waappa dayaknu nai ahilagppa mekkulag,” awa atte.’ ” Yawe Nug Jeremaia anam akkunu aum.

Esekiel 24:26

Haen amu oh beebeb, oola ukka, laih dayaknu danab laa nug Jerusalem aabppanu oola uɗia, gumitta ba, nug amunu oh na amenppa akku.

Esekiel 27:30

Ag daanna, nahipnu huan mahinna, ag oo doyak okkainab doon gaaglag. Ag gappud aon, ikkilag laidna, ag aab uhuɗ oug meumppa niin, buɗibɗib oiglag.

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.