1 Samuel 31:8 - Nobonob Baibel

⁸ Ban hak amu anam ukke, Israel ag oolna ukkaeg, wagɗe deɗ amuppa Pilistia ag Israel ban danab mauhppig beɗulagppanu keeke akkaglagnu uɗippig. Ag keeke aona oina, Saul mauhom gaɗa, nug bekkod ewam mauhppig gaɗalag ele qauko onig Gilboa niiegeg anadppig.

1 Samuel 31:8 ပူးပေါင်းရင်းမြစ်များ

2 Samuel 1:20

Pilistia aɗelkad oolag gamag ahamanu amu, laa nug nai amu Gat appa aib mattieb dooppig. Ao, Pilistia danab, ag iitta aɗi amu, ag aɗelkad oolag gamag ahamanu amu, laa nug nai amu Askelon appa aib mattieb dooppig.

2 Samuel 1:21

Gu, baito ele Gilboa wanppan qaukoppa aib neum. Ao, ee aegnu ofanu keeke ele wan amuppa aib ba, meu oum. Aɗinu? Aben amuppa kekeɗ ag heeg, danab okkai, ɠagattag ele, nuhig guppiɗ am dubuttid tak ele dayom. Ao, gemu amu, laa nug Saulnu guppiɗ goɗenppa ii bappaidtte.

1 Stori 10:8

Ban hak amu anam ukke, Israel ag oolna ukkaeg, wagɗe deɗ amuppa Pilistia ag Israel ban danab mauhppig beɗulagppanu keeke akkaglagnu uɗippig. Ag keeke aona oina, Saul mauhom gaɗa, nug bekkod mauhppig gaɗalag ele qauko onig Gilboa niiegeg anadppig.

2 Stori 20:25

Jehosapat, nuhikkud daup ele ag anam anidna, ag kekeɗ dilag keeke aon gokkulagnu wana, ag ban haknu keeke, lamen, keeke enanag laala ele huanak anidppig. Keeke amu oh ag haen amuppaib akkan, mawadna gokkulagnu elele iitta. Keeke amuam huanak amunu, ag keeke amu mawadna gonan uɗinna, tuɗitteg ukke ukke deɗ ewamppa malappig.

1 Samuel 28:4

Pilistia ag Israel ele ban hekkulag heppig amunu, ag qagmena, ahan uɗin, aab okkai Sunem guguittak haen tutu dayaknu aab kalappig. Ag uɗin, aab aoegeg, Saul nug Israel ban danab e uɗieg, qagmaatte, Gilboa qaukoppa haen tutu dayaknu aab kalappig.

1 Samuel 31:7

Saul nug, amu laala ele ag anam mauheg, Israel danab ah oolnu noak onig Jesril heqo laih daatteb, amu Israel le Jodan heqo laih appa daatteb, amu ele, ag Israel ban danab oolna ukkaeg anattona, ag Saul, nug bekkod ele mauhppignu nai ele doyona, ag ahilkad aab uun, oolna goppig. Ag oolna ukkaeg, Pilistia danab ah ag uɗin, aab amuppa daappig.

1 Samuel 31:9

Ag Saul mauhom gaɗa anidna, ag nug baag otaɗna ikki aon, nuhig bannu klos uɗidna awon, ag nai awa ukkak danab, ag Israel ban eɗidppig, ag nai amu aon, ahilag kayak hambuppuak dottolkad dilag mettid lag, amuppa gona akkulagnu, am Pilistia danab ah ele amelagppa appeg dooglagnu maatteg goppig.