1 Samuel 31:6 - Nobonob Baibel

⁶ Keeke amu beegeg, deɗ amuppaib Saul, nug bekkod, nid danab ewam, amu danab Saulnu ban hak keeke mawom, amu ban danab laa ag Saul gumappig ele, ag oh deɗ amuppaib mauhppig.

1 Samuel 31:6 ပူးပေါင်းရင်းမြစ်များ

2 Samuel 1:1

Aakku, Saul nug anam mauhom. Saul mauhe, Dawit nug Amalek danab eɗattomnu ukka, Siklak dayeye, deɗ aɗit uue,

2 Samuel 1:12

Ag amu hena, ag kekeɗ ag Saul, nug bekka Jonatan, Israel dilag daup kuɗum, ag Yawenu daup amu, am Israel danab laa kuɗum ele aqaeg mauhppig am dabmeppig amunu, ag gaanna, ee ii laeg ukke uudoum.

1 Stori 10:6

Anam amunu Saul, nug bekkod, nid danab ewam amu, nug baegppan oh ele ag haen laippu aakku mauhppig.

Ikki Danab 9:54

Nug ikki aoɗe, aakku nug danab nug nuhig bannu keeke mawom ele, nug danab amu amegppa aum. “Nahip qep elab eeɗna aon, da duul o! Na da duul ii okkut amu, danab ag, ‘Ah laa Abimelek qe mauhom,’ akkulag! Da ag anam akkulagnu, da ool iinab daatte!” awa aum. Nug anam aum amunu, danab bau amu nug nuhig qep elabppa ye mauhom.

1 Samuel 11:15

Samuel nug anam aum amunu, Israel oh ag ahan Gilgal gona, appa ag oh Saul nug king daakkunu Yawe noobppa nai qagappig. Appa ag laippu dayaknu ofa manan, Yawe mettona, ag oo gamag ahaknu qagmak okkainab heppig.

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 12:25

⌊Ag anam hekkulag am ena,⌋ amge ag nau hak tuɗidna hekkulag dayeb amu, Yawe Nug ag, ahilag king ele amu, Nug heeb, ag oh padal mekkulag.” Samuel nug anam aum.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

1 Samuel 28:19

Yawe Nug uuitteb, geha na Pilistia eppelagppa daakkut. Amu haen na ag eppelagppa wappe, geha Israel ameg oh ele wakkulag. Butti Pilistia ag na, na begapad ele aqappeg, na ag ele uɗippeg, da ele daagnig. Yawe Nug uuatteb, Pilistia ag geha Israel oh eɗadkkulag.” Samuel nug anam aum.

1 Samuel 31:5

Saul nug anam he, danab Saulnu ban haknu keeke maotte ele, haen nug Saul mauhom antta amu, nug ele qep elab nuhig awa, amuppa ha mauhom. Nug Saul ele oh aakku mauhpiɗ.

1 Samuel 31:7

Saul nug, amu laala ele ag anam mauheg, Israel danab ah oolnu noak onig Jesril heqo laih daatteb, amu Israel le Jodan heqo laih appa daatteb, amu ele, ag Israel ban danab oolna ukkaeg anattona, ag Saul, nug bekkod ele mauhppignu nai ele doyona, ag ahilkad aab uun, oolna goppig. Ag oolna ukkaeg, Pilistia danab ah ag uɗin, aab amuppa daappig.