1 Samuel 31:4 - Nobonob Baibel

⁴ Saul nug guittak anam awa, nug danab bannu keeke nuhig maotte ele amegppa aum. “Pilistia danab amu, ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.

1 Samuel 31:4 ပူးပေါင်းရင်းမြစ်များ

2 Samuel 1:1

Aakku, Saul nug anam mauhom. Saul mauhe, Dawit nug Amalek danab eɗattomnu ukka, Siklak dayeye, deɗ aɗit uue,

2 Samuel 1:14

Nug anam a amu, Dawit nug nug oɗ mettom. “Yawe Nug Saul king daakkunu goɗen gokkaɗakppa tituanom, amu na attem hena, na nug qekkutnu ii baɗame?” awa aum.

2 Samuel 1:20

Pilistia aɗelkad oolag gamag ahamanu amu, laa nug nai amu Gat appa aib mattieb dooppig. Ao, Pilistia danab, ag iitta aɗi amu, ag aɗelkad oolag gamag ahamanu amu, laa nug nai amu Askelon appa aib mattieb dooppig.

2 Samuel 1:6

Dawit nug oɗ mette amu, nid bau amu nug aum. “Da qauko onig Gilboa appa oikkulnu ii dabmemi, amge da attem hein, appa oiyeye, Saul nug hibaitta daakkunu nuhig ban aɗa dayom anidmi. Nug anam dayeye, kekeɗ dilag daup ag bannu karis attan daan, ban hetteb, daup ag hos attan daan, ban hetteb ele amu, ag gukkuittak uɗin, Saul aɗaglagnu uɗippig.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

2 Samuel 21:12

Dawit doya amu, nug Jabes Gileat ukka, Saul ebehi, Jonatan ebehi ele danab appanu eppelagppanu awom. Pilistia danab ag Saul, Jonatan ele Gilboa appa aqateg mauheh, ag gaɗalti aon gona, aab onig Betsan, appa haɗap-ppa, aihateg daaeheh, Jabes Gileat danab ag lokkumna gona, gaɗalti aon uɗin, Jabes Gileat appa boumatppig.

1 King 16:18

Haen amuppa am Simri nug Tirsa dayeye, Omrinu ban danab ag nuhig huu amu eɗadna, aab okkai amu aoeg antta, nug kingnu lag enanagnabnu laih laa aɗ ɠagattagnab ele amuppa noa, kingnu lag enanagnab amu amote, lag amu ewa, nug ele ewe mauhom.

1 King 16:27

Amu keeke kuɗum laa ele King Omri heum amu, kaya amuam ag buk laappa, buk amu onig am, Israel Dilag Kingnu Kaya, ag buk amuppa yaappig daatte. Kaya amuam Omri nug uɗat ɠagattag oh heum, am amu ippunigtte.

1 Stori 10:4

Saul nug guittak anam awa, nug danab bannu keeke nuhig maotte ele amegppa aum. “Pilistia danab amu ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.

Ikki Danab 14:3

Nug anam a amu, nug anig mameg ele aa oɗeppa aoya apiɗ. “Na Israel dilag huu okkai nahip-ppan ah laa, o Israel laala oolagppan ah laa aokkutnu elele iite daatte amunu, na gona, Pilistia danab, ag Yawe ii dootteb, ii dim lamidtteb ele, ag oolagppanu ah aokkutnu hettem?” aoya apiɗ. Aa anam apiɗ amge Samson nug mameg amegppa aum. “Da nuhignu oolppa enanagnab doottem amunu, na dahilnu awe!” awa aum.

Ikki Danab 9:54

Nug ikki aoɗe, aakku nug danab nug nuhig bannu keeke mawom ele, nug danab amu amegppa aum. “Nahip qep elab eeɗna aon, da duul o! Na da duul ii okkut amu, danab ag, ‘Ah laa Abimelek qe mauhom,’ akkulag! Da ag anam akkulagnu, da ool iinab daatte!” awa aum. Nug anam aum amunu, danab bau amu nug nuhig qep elabppa ye mauhom.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

1 Samuel 31:5

Saul nug anam he, danab Saulnu ban haknu keeke maotte ele, haen nug Saul mauhom antta amu, nug ele qep elab nuhig awa, amuppa ha mauhom. Nug Saul ele oh aakku mauhpiɗ.