1 Samuel 31:3 - Nobonob Baibel

³ Ag Saul bekkod, nid danab ewam oh aqaeg mauheg, ban huan hena gona, Saul gukkuidna tena, Pilistia ban danab latppa ban hetteb ele ag Saul lamidna gona qeeg, nug guittak nau awom.

1 Samuel 31:3 ပူးပေါင်းရင်းမြစ်များ

Genesis 49:23

Josep nug nid dayeye amu, nuhig kekeɗ ag nuhigppa eheɗ heppig. Ao, ag nug kekeɗ mettan, baneb daan, nuhigppa eheɗ nau heppig.

2 Samuel 1:4

Nug anam a amu, Dawit nug oɗ mettom. “Attem beum? Appe doyei!” awa aum. Dawit nug anam a amu, danab amu nug aum. “Kekeɗ ag Israel eɗatteg, Israel dilag daup ban abenppanu oolna goppig. Kekeɗ ag kuɗum aqaeg mauhppig, amu Saul, nug bekka Jonatan ele amu, aa ele mauhpiɗ,” awa aum.

2 Samuel 1:6

Dawit nug oɗ mette amu, nid bau amu nug aum. “Da qauko onig Gilboa appa oikkulnu ii dabmemi, amge da attem hein, appa oiyeye, Saul nug hibaitta daakkunu nuhig ban aɗa dayom anidmi. Nug anam dayeye, kekeɗ dilag daup ag bannu karis attan daan, ban hetteb, daup ag hos attan daan, ban hetteb ele amu, ag gukkuittak uɗin, Saul aɗaglagnu uɗippig.

2 Samuel 21:12

Dawit doya amu, nug Jabes Gileat ukka, Saul ebehi, Jonatan ebehi ele danab appanu eppelagppanu awom. Pilistia danab ag Saul, Jonatan ele Gilboa appa aqateg mauheh, ag gaɗalti aon gona, aab onig Betsan, appa haɗap-ppa, aihateg daaeheh, Jabes Gileat danab ag lokkumna gona, gaɗalti aon uɗin, Jabes Gileat appa boumatppig.

1 King 22:34

Amge ban danab ag ban henana, Aram ban danab laa nug lat pimala, lat doɗo hamu e, Israel dilagppa ukka, lat doɗo amu Israel dilag king Ahap beɗu laih, bannu klos me, hauta ii auta awom, giɗo nakoknab dayom amu, lat doɗo giɗo amu awom. Aakku Ahap nug nuhig karis ulum aɗak danab amegppa aum. “Da guittak aomide amunu, paha karis aon eɗuppe, ban aben imu uuɗ goɗu!” awa aum.

Amos 2:14

Uug naunab amu beebeb, danab nug huan qaiedakkunu elele amu, nug uug amu ii qe-eɗidma. Danab ɠagattag ele nug ebehi bodoetteb, gai-iitta daakku. Ban danab ele nug ɠagattag haaha, bau ii daama.