1 Samuel 30:6 - Nobonob Baibel

⁶ Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

1 Samuel 30:6 ပူးပေါင်းရင်းမြစ်များ

Genesis 32:7

Aon aeg, Jakop nug huanak baɗaɗa, dabmak awa, baekkudppa nug ele daappig amu epeɗia, doɗ oh ele epeɗia, ameg aɗit maattom.

2 Samuel 17:8

Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

2 King 4:27

Ah amu nug anam aum, amge haen nug qaukoppa, Kayaknu danab Elisa gumitta ta amu, nug gateg qaun o, gomela, Elisa baeg aɗom. Aɗe, Gehasi nug ah anam he antta doa, ah mauteb, piɗe ukkakkunu heum. Nug anam heum, amge Kayaknu danab Elisa, nug Gehasi amegppa aum. “Uuppe, nug uug okkainab laa ele amunu hette. Anam, amge Yawe nug da amelppa ah imu, nuhig uugnu amu ii aum,” awa aum.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Sam 116:10

Da Yawenu oolppa genab doomi, amunu da nai inam ami. “O Yawe, da uug nau kuɗum anidttem,” awe ami. Yo, da oo uug nau qak doyeye, da nai inam ami. “Danab oh ag hambuppuak danabib daatteb,” awe ami.

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Sam 25:17

Ao, na keeke oh uug meɗatteb ele heppe iitta meeb, da oolppa maɗoɗ dookkulnu unuqidttem.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Sam 31:24

Ag aun aɗi ag ahilag dabmak oh Yawe toppa daatte, ag nuhig ehanittak aoglagnu dabmak aɗan oitteb ele amu, ag ɠagattag daan, ag oolag aib bodoettom.

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Sam 42:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkunu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 42:7

Kayak Nug le unuqag hatta, le baippa nonana, oqotti huana otteb ele hattom. Danab laa nug le amu ooppa nokku dayeb amu, le amu nug laitta tonakku. Anam amu, uug da toniɗom daatte ele amu, amuam le naɗi da toniɗlo bia doottem.

Sam 62:1

Da Kayak, nuhignuib oolppa maɗoɗ doottem. Ao, Nugib am Padal ii maknu ehanittak dahil daatte.

Sam 62:5

Da Kayak Nug da ehaniɗeb, dahilppa ena bekkunu dabmak aɗe oittem amunu, da Nug noobppa dagom daattem.

Sam 71:4

O Kayak dahil, da nau hak danab eppelagppanu ehaniɗppe, qagaiettak amuppa ii daapanu oɗ medattem. Yo, na da nau hak danab ag laa guittak mattaknu uug laa ii dootteb ele dilagppan ehaniɗppe, qagaiettak amuppa ii daapanu unuqidttem.

Sam 71:5

O Naɗi Yawe, da na amu hekkutnu oɗ medattemnu diig am ena baknu dabmak aɗa oiyak dahil am, naib daattem. Ao, da nid nakokppan nahipnu oolppa genab doottemib.

Eksodas 17:4

Aakku Moses nug Yawe amegppa ɠagattag inam unuqittom. “Danab ah imu ag men ena, da oiɗppeg mauhkkulnu hetteb. Ag anam hekkulagnu hetteb amunu, da geha ahilagnu aɗi hekkul?” awa aum.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Aisaia 25:4

Aɗinu ⌊ag anam hekkulag⌋? Na daɗek danab dilag padal mak eɗitteb ena dayaknu ehanittak dayeye, uug haenppa ag ena daappig. Ao, danab ah keekenu tutu mak daan oitteb ele amu, ahilag uug nau ag tonattette, na ahilag padal mak eɗitteb ena dayaknu ehanittak dayeye, ag ena daappig. Danab ag laanu oo doyak ii doon nau hadatteb ele amu, hak ahilag am ulah ɠagattag uɗia, aɗ duttune ⌊na qette⌋ bia daatte.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Jona 2:2

“O Yawe, da uug nauppa dayeye, na oninppa ei, na da baal doome. Ge! Da moɗppa niimi bia dayeye, aben amuppanu da na oninppa ei, na dahil unuqittak doome.

Namba 14:10

Josua, Kalep ele aa anam apiɗ, amge Israel danab ah laa oh ag Moses, Aron ele menppa makkuɗatkkulagnu madippig. Mattiegeg amu, Yawenu binag amahlak oppiaawak ele mettid haknu peh lag danab ah appa qagmetteb ele, amuppa tuale, Israel danab ah oh ag anidppig.

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Matyu 27:22

Ag anam aeg amu, Pailat nug aum. “Amge da Jesus, nuhignu laa ag Kristus atteb amu, nuhignu da attem hekkul?” awa aum. Nug anam a amu, ag oh appig. “Ad emaitakppa atule!” aon appig.

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Rom 4:18

Amu Kayak Nug Abraham nugnab bekka laa menukkunu a, Abraham amu doya, nug ooppa genab doyom. Keeke amu bekkunu am ib iitta, amge Kayak Nug Abraham bekka laa medakkunu a, Abraham nug ooppa genab doyom amunu, nug wanppan wan laala kuɗum mamelag beum; amuam Kayak Nug Abraham amegppa ⌊buɗupud kuɗumnab, hoɗoppai kuɗum daatteb bia daaglagnu⌋ inam aum bia. “Na buɗunad amu, geha ag anam daaglag,” awa aum.

Rom 4:20

Aa anam daapiɗ, amge Kayak Nug keeke dimppa bekkunu nai qakka aum amunu, Abraham nug amunu oo aɗit ii daye, ooppa genab doyak nuhig ii paɗe neum. Iitta. Nuhig ooppa genab doyak ɠagattag mette, nug Kayak binag meum.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

2 Korint 1:6

Am ig uug maottem dayeb amu, uug mawak amunu diig am ag Korint ag ⌊Jesusnu nai doon⌋ ag oo mak aona, padal memananu ehanittak ele aoglagnu aakku daatte. Amge Kayak Nug ig oo mak megakkunu oonig aokku dayeb amu, amunu diig am ag Korint ag amu anidna, ag ele oo mak amu aona, amu ag ele uug ig maottem bia, ag tuɗidna uug doyaya eɗittaknuib dabmak awak kobol dim lamidna maon oiglagnu ɠagattag madatte.

2 Korint 4:8

Aben ohppa uug ihinigppa bette, amge ig amuppa neta qeta autanab ii aottem. Aɗinu keeke laala ihinigppa bette amu, ig oonig ii maidtte, amge ig amunu baag qetak ii doottem.

2 Korint 7:5

Aɗinu? Ig uɗit Makedonia beta, ig beɗunigppa maɗoɗ laa ii dayom. Iitta. Ig daatta, adeppa adeppa neegmut amu, danab eheɗ heikkulagnu daappig anadmut. Ig beɗunig dimittim am nug qak dayeye, oonigppa baɗak digdig dayom.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

Ikki Danab 18:25

Nug anam a, Dan danab ag appig. “Na madittem amu, ig oonigppa laala oppoɗilag paha paha bette ele amunu, ag oppoɗilag beeb, ag na, amu na baenadppa ele aqappeg mauhmanade dabme!” aon appig.

Ikki Danab 20:22

Ag aqaegeg, dimppa Israel ag Betel tena, ag appa Yawe noobppa gaanna daaegeg ukke, tueb meum. Ag appa anam daanna, ag Yawe oɗ medappig. Ag appig. “Ig lainkad Benyamin ele ban baula hekkunigte?” aon oɗ meppig. Anam oɗ meeg, Yawe Nug aum. “Goppeg, ag ele ban heig!” awa aum. Yawe anam a, amu Israel ag akka akka nug ɠagattag qedappig. Ag anam daaeg ukke, wagɗe, deɗ amuppa ag aben ag deɗ tatam ban heppigppa, ag appa baula qagmeppig.

1 Samuel 1:10

nug ooppa uug naunab daye, nug ninig ele gayaya, Yawe unuqittom.

1 Samuel 23:16

Dawit nug Hores dayeye, Saul bekka Jonatan nug Dawit gumitta ukka, ɠagattag qetta, Kayaknu ooppa genab doyak nuhig paɗamanu anana, Nug nai tuɗitta Dawit amegppa aum.

1 Samuel 28:15

Anam dayeye, Samuel nug Saul oɗ mettom. “Aɗinu na dahil dayak okkulna, da onilppa e, da eɗue uɗimi,” awa oɗ mettom. Nug anam oɗ me, Saul nug nob ma aum. “Da uug nau doottem. Pilistia ag da ele ban hekkunignu uɗippig, amu Kayak Nug da dimeɗa, nug propet oɗelagppa nai laa ii meɗatte, tul niiakppa ele iitta. Anam daye amunu, da na oninppa emi. Geha da attem hekkul amu, na appe dookkul,” awa aum.