1 Samuel 30:3 - Nobonob Baibel

³ Aria, Amalek ag anam heeg, dimppa Dawit nug nuhikkud danab ele ag uɗin, Siklak aabppa teppig. Tena, aab amu oh manaeg ewom anidppig; laa amu Amalek ag ah ahilkad oh, bekkalkad, aɗelkad ele oh aɗualadna, diin goppig anidppig.

1 Samuel 30:3 ပူးပေါင်းရင်းမြစ်များ

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Hibru 12:6

Aɗinu? Naɗi Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, Nug danab laa awa, nuhignu, ‘Nid dahil,’ atte ele amu, Nug danab amu ena bekkunu bu medatte.”

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

1 Samuel 27:3

Dawit nug nuhikkud danab ele gona gumidna tena ⌊Dawit nug Akis oɗ mette, nug ena awa a,⌋ amu Dawit nug nuhikkud danab ag baelkadppa ele oh Gat aabppa, Akis daatteppa daappig. Dawit wauuɗ aɗit, laa Ahinoam, nug am Jesril ah, laa am Abigel, nug Karmel ah, aa ele oh Dawit ele Gad daappig. Abigel nug am anukka Nabal wau dayom, amge Nabal mauhe, Abigel nug hamu dayeye, Dawit awom.

1 Samuel 30:2

Amalek ag aab amu mainna, ag appanu ah, laala aun aab amuppa daappig ele amu, ag amu oh aɗualadna, diin goppig. Laala diin goppig, amu oolagppanu kaino laala ele diin goppig; laala ag am danab bau. Ag danab ah oh diin goppig, laa uueg ii dayom. Laa amu, ag danab laippu laa ii qeeg mauhom. Iitta. Ag aɗualadna, oh diin goppig.

1 Samuel 30:4

Ag keeke oh anam daye anidna, Dawit, nuhig huu ele ag amunu eheɗ qanaegeg ukka ukka, ebehilag oh bodoettom.