1 Samuel 30:26 - Nobonob Baibel

²⁶ Aria, Dawit nug nuhikkud danab ele ag eɗun, Siklak goppig. Ag gona appa daanna, amu Dawit nug keeke oh Amalek dilag awom am, laih otia, Juda dilag ikki danab, ag Dawitnu oolag dayom, ag nug ele nug layam daappig amu, nug ag matta, panie ukkom. Nug keeke pania, aoglagnu me ugekke, nai imu ele me ukkom. “Keeke imuam da ahilag daakkun hamu madattem; keeke imu da Yawenu kekeɗ eppelagppanu aomi.” Dawit nug keeke me ugekke, nai amu ele me ukkom.

1 Samuel 30:26 ပူးပေါင်းရင်းမြစ်များ

Genesis 33:11

Da na keeke imu aokkutnu ool daatte. Aɗinu? Kayak Nug dahilnu oo bodoette enanag maɗoɗ ele ha, dahil keeke oh da meɗe, da elele daattem,” awa aum. Anam anana, nug wagai ma he, Esau nug keeke amu diiom.

2 Samuel 1:1

Aakku, Saul nug anam mauhom. Saul mauhe, Dawit nug Amalek danab eɗattomnu ukka, Siklak dayeye, deɗ aɗit uue,

2 King 5:15

Anam beum, amu dimppa Naman nug nuhikkud huu ele ag eɗun, Kayaknu danab Elisa, nug gumidna gona, Naman nug Elisa noobppa hibaitta dayaya, nug inam amegppa aum. “Antte, genabnab genab, gemu da doottem, wan ohppa amu Kayak laa ii daatte. Iitta. Israel dilag Kayak Nugib Kayak daatte. Amunu gemu da, nahip maɗi nid, da keeke nahip daakkunu hamu na medakkulnu ool daye, medakkulnu oɗ medattem,” awa aum.

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

2 Korint 9:5

Amunu da lailad amelagppa appi, ag anuqna ag gumadna gokkulagnu am ena, da anam dabmemi. Ag gona heppeg, ehanittak keeke ag amu bappaidkkulagnu appig amu, da ii ukkak haenppa bappaidkkulag. Ag Korint ag anam bappaidkkulag dayeb, mettaknu am oo gamag ahak ele; am oo nauhak laa iitta.

1 Samuel 18:17

Am danab ah oh ag Dawitnu oolag mauhom amunu, Saul nug inam dabmeum. “Da dakka Dawit ii qeppi mauhma. Iitta. Amge Dawit nug Pilistia ele ban henana, ag geha nug qeppeg mauhkku. Da amu ii hepa.” Saul nug anam dabmaama amu, nug Dawit amegppa aum. “Antte! Imuam nid ahin dahil tatamnu. Nug onig am Merap, amu na nug na waat daakkunu aokkutnu da ool daatte. Amge tatam aa ewau matulak ii awak, haen imuppa amu, na dahil ban danab tutukku daanna, na kekeɗ ele ban haknu amu, na ootppa ɠagattag doyak ele anidkkulnu ool daatte. Anam daappe, haen Yawe Nug ig Israel ig gopput, kekeɗ aun ele ban hekkunignu ab amu, aria na gona, ban amu hekkut. Aria, na anam henana amu, na da aɗel aokkut; iitta am iitta,” awa aum.

1 Samuel 25:27

Da, da am nahip maɗi ah amu, da keeke awe uɗimi imu, da na, dahil naɗi, da nahip daakkunu na hamu medakkulnu hettem. Na keeke amu, danab na dim lamidtteb ele, na ag eppelagppa mekkutnu ool daatte.

1 Samuel 25:28

O naɗi, da, da nahip maɗi ah amu, da na dahil eheɗ hak uhuqna meɗakkutnu oɗ medattem. Aɗinu? Na, na am dahil naɗi, na hanhan ukke, Yawe Nug oo hette amubia na gona, Yawenu kekeɗ ele ban hena aqadttem amunu, Yawe Nug geha heeb, na, na buɗunad oolagppanu laala ele ag ahilag haen anen anenppa ag geha king daaglagnu ɠagattag tuqa ii awak bia aɗaglag. Anam bekku amunu, gemu haen na daattem imuppa, laa nug nai genab geha ana, ‘Dawit nug eheɗ heum,’ akkunu elele daakkunu da ool ii daatte.

1 Samuel 30:20

Ag keeke amu oh Amalek dilagppanu eɗun aoppig. Ag aon, ag makau, sipsip ele Amalek dilag, ag amu ele agappig. Ag doɗ amu akkan, Dawit, nug nuhikkud ban danab ag heeg, doɗ ag anuqna ukkaegeg, ban danab ag appig, “Keeke imu ig banppa aomut amu, amuam Dawitnu.” Ban danab ag anam appig.

1 Samuel 30:25

Dawit nug anam a, nai amu ɗo ba dayom. Ɗo ba dayom amunu, haen amuppa Israel wanppa ɗo amu ba dayeye uɗie uɗie, gemu ele daatte.